Son Xəbər: London və Tehran razılığa gəldi, İsrail Livanla razılaşmadan bir gün sonra ölkənin cənubuna hücum edib, Azərbaycan dəri istehsalını 2 dəfədən çox artırıb, Bakı–Naxçıvan təyyarə reysləri ildırım səbəbindən ləğv edilib, İran XİN ABŞ-ın hava zərbələrinə reaksiya verib, Leyla Əliyeva və Arzu Əliyeva “CandyFest” yay festivalını ziyarət edib və “Sehrli mirvari” su sirki şousunu izləyiblər, Azərbaycan neftinin qiyməti 74 dollara düşüb, Ukrayna Volqoqradda "Titan-Barrikadı" zavoduna zərbə endirib, Ursula fon der Lyayen iyulun 1-də Azərbaycana səfər edəcək, Venesuela Səhiyyə Nazirliyi: Zəlzələlər nəticəsində 235 nəfər ölüb, 4,3 min nəfər xəsarət alıb,

"Münaqişənin bitməsi regionda yeni imkanlar yaradıb" - Komitə sədri

Tarix: 6-07-2022, 16:57

Böyük Britaniyanın Birminqem şəhərində keçirilən ATƏT Parlament Assambleyasının plenar iclasında çıxış edən Milli Məclisin İqtisadi siyasət, sənaye və sahibkarlıq komitəsinin sədri, deputat Tahir Mirkişili Azərbaycan və Ermənistan arasında münaqişənin bitməsindən sonra regionda Azərbaycanın yaratdığı yeni imkanlardan danışıb.

Öz çıxışında o, Azərbaycanın Avropa Birliyinin enerji təhlükəsizliyində xüsusi rol oynadığını, bu rolun getdikcə artdığını, Ukraynadakı müharibədən sonra Azərbaycandan keçən Orta Koridor – yük daşımalarının əhəmiyyətinin hər gün artdığını qeyd edib.

Eyni zamanda, T.Mirkişili dünyada artıq baş verən istənilən konfliktin enerji, ərzaq və yaşayış tərzində ciddi təsir etdiyini, qiymətləri artırdığına diqqət çəkərək ATƏT PA-nın üzv ölkələrini konflikt situasiyalarda hadisələri qabaqlamağa, ədalət mövqeyi qətiyyətlə nümayiş etdirməyə çağırıb.