Son Xəbər: Paşinyan: Ermənistan sabah TRIPP layihəsinin başlanmasını elan edəcək, İlham Əliyev: Vyetnama 2020-ci ilin Vətən müharibəsi dövründə verdiyi dəstəyə görə minnətdarıq, Bazar günü hava 18 dərəcə isti olacaq, İrandan qaçaqmalçılıq yolu ilə gətirilən güclü təsiredici dərmanlar aptekdə satılıb, saxlanılanlar var, İlham Əliyev: Vyetnamın müstəqillik mübarizəsi Azərbaycan xalqı tərəfindən həmişə dəstəklənib, Seul yaxınlığında yük qatarı relsdən çıxıb, Sumqayıtda yol çöküb, Azərbaycan və NATO logistik imkanlarından birgə istifadə mexanizmlərini müzakirə edib, İlham Əliyev və To Lam Birgə Bəyanat qəbul ediblər, Azərbaycan-Vyetnam sənədləri mübadilə olunub, Taksi sürücüsü olmaq istəyənlər üçün dekabrın 17-də keçiriləcək imtahana qeydiyyat başlayıb,

17 ildir işləyən “Günəş” bazarı sökülür? - Fotolar

17 ildir işləyən “Günəş” bazarı sökülür? - Fotolar

Tarix: 19-07-2022, 18:39

 

17 ildir fəaliyyət göstərən “Günəş” Ticarət Mərkəzinin söküləcəyi ilə bağlı məlumatlar yayılıb. 

Sosial şəbəkələrdə yayılan xəbərlərə əsasən, buna səbəb Suraxanı rayonu, Yeni Günəşli qəsəbəsində yerləşən bazarın sahibinin həmin ərazini satmasıdır.

İllərdir burada çalışan satıcılar “APA TV”yə açıqlamalarında bildiriblər ki, ilk gündən büdcəyə vergi ödəyirlər, bütün kommunal ödənişlər də vaxtlı-vaxtında həyata keçirilir. Onların sözlərinə görə, baxmayaraq ki, sözügedən bazarın ətrafında kifayət qədər boş ərazilər, hətta yarımtikililər var, “Günəş” Ticarət Mərkəzinin rəhbərliyi məhz bu ərazini hədəf kimi seçib. Bundan əlavə, onlar iddia edir ki, sentyabr ayının 1-nə qədər vaxt qoyulub. Satıcılara bazarın buldozer vasitəsilə dağıdılacağı deyilib. 

Problemlə bağlı Suraxanı Rayon İcra Hakimiyyəti ilə də əlaqə saxladıq. Qurumdan sorğumuza cavab olaraq bildirildi ki, bu ərazidə söküntü və yeni tikintiyə icazə verilməyəcək: “Biz sahibkarların marağını qoruyuruq. Ümumiyyətlə orada heç bir söküntü işi aparılmayacaq. Sahibkarlarla da görüşülüb. Məsələ ilə bağlı bizə nə arxitekturadan, nə də “Günəş” Ticarət Mərkəzinin sahibi məlumat verir. Hansı ki, bu işə onlar cavabdehdir. Orada sahibkarların marağı qorunacaq. Mütləq şəkildə onların fikirləri nəzərə alınacaq. Rayon icra hakimiyyəti orada heç bir şəkildə tikintiyə icazə verməyəcək”.

Qeyd edək ki, 17 ildir fəaliyyət göstərən bu ticarət obyektində nisbətən ucuz kənd təssərrüfatı məhsulları ilə yanaşı, tikinti materialları, geyim, məişət avadanlıqlarının satışı həyata keçirilir. Həftəsonu isə bu ticarət obyektində kənd təssərrüfatı məhsullarının yarmarkası təşkil olunur.

Lamiyə Məmmədova

“Global Photo Stock”un əməkdaşı ərazidən fotolar lentə alıb. Həmin fotoları təqdim edirik:
17 ildir işləyən “Günəş” bazarı sökülür? - Fotolar










RƏYLƏR


REKLAM

XƏBƏR LENTİ

POPULYAR XƏBƏRLƏR