Son Xəbər: Şahbaz Şərif İlham Əliyevə zəng edib, Bazar günü Bakıda 24, rayonlarda 25 dərəcə isti olacaq, Madina Kaisinova Bakıda təşkil olunan dünya çempionatında mübarizəni dayandırıb, ABŞ-nin Corciya ştatında atışma nəticəsində 5 nəfər ölüb, Bir sıra birinci instansiya məhkəmələrinə hakimlər təyin edilib - SƏRƏNCAM, Bu gündən Azərbaycanda ov mövsümü açılıb, Masazırda 4 avtomobil yanıb, Xankəndidə yaşıllıqları qanunsuz kəsənlər cərimələnib, Prezident İlham Əliyevin Türkmənistana işgüzar səfəri başa çatıb, Məktəblərdə geyim formalarına dair monitorinqlər təşkil ediləcək,

Ukraynada azərbaycanlı iş adamının qətli ilə bağlı - Yeni detallar

Tarix: 2-08-2022, 15:08

Ukraynada qətlə yetirilən gənc azərbaycanlı iş adamı Sənan Qəniyevin cənazəsinin Azərbaycana gətirilməsi istiqamətində danışıqlar aparılır.

Məsələ ilə bağlı “Qafqazinfo”ya açıqlama verən mərhumun yaxınları bildiriblər ki, S.Qəniyevin nəşinin Polşaya, oradan da təyyarə ilə Bakıya gətirilməsi planlaşdırılır. Lakin bu baş tutmasa, cənazənin Moldova vasitəsilə Azərbaycana göndərilməsi nəzərdə tutulub.

O da məlum olub ki, Lvovda restoranda qətlə yetirilən Sənan Qəniyev həmin şəhərdə ticarətlə məşğul olub. Onun əmisi isə restoran işlədib və dava-dalaş da Sənanın əmisi ilə Lvovda fəaliyyət göstərən və Türkiyə vətəndaşlarının işlətdiyi “Şaurma” restoranının sahibləri arasında olub. Sənan əmisinin həmin rostorana getdiyini və mübahisə baş verdiyini öyrənərək oraya gedib. Bu zaman baş vermiş münaqişə zamanı kürd əsilli Türkiyə vətəndaşı Barut Məsut şiş ilə 33 yaşlı S.Qəniyevə xəsarət yetirib. Şiş Sənanın ayaq nahiyəsində vena damarını kəsdiyindən kəskin qanaxma baş verib. Çoxlu qan itirən gənc orada dünyasını dəyişib.