General "Qurd qapısı" qəbiristanlığında dəfn edildi - YENİLƏNİB

 

Ötən gün vəfat edən Fövqəladə hallar nazirinin müavini, daxili xidmət general-leytenantı Nazim Məmmədov dəfn olunub.

Mərhum "Qurd qapısı" qəbiristanlğında torpağa tapşırılıb.

Dəfn mərasimində yaxınları, Fövqəladə hallar naziri, general-polkovnik Kəmaləddin Heydərov və FHN əməkdaşları iştirak edib.

xxx

00:40

Xəbər verdiyimiz kimi, Fövqəladə hallar nazirinin müavini, daxili xidmət general-leytenantı Nazim Məmmədov vəfat edib.

Yaxınlarının  verdiyi məlumata görə, general-leytenant N. Məmmədov bir müddət bundan öncə koronavirusa yoluxubmuş. Aparılan müalicə tədbirlərinə baxmayaraq virus generalın tənəffüs orqanlarında fəsad yaradıb, nəfəs almağında çətinliklər yaranıb. 

Son günlərdə isə generalın vəziyyəti ağırlaşıb və o paytaxtda yerləşən klinikalardan birinə yerləşdirilib. İyirmi gün komada qalan N. Məmmədovu xilas etmək mümkün olmayıb və o vəfat edib.

Mərhum general bu gün "Qurd qapısı" qəbiristanlğında dəfn ediləcək.

Yas mərasimi isə avqustun 29-da Heydər məscidində keçiriləcək.

Seymur Əli

xxx

23:01

Fövqəladə hallar nazirinin müavini, daxili xidmət general-leytenantı Nazim Məmmədov vəfat edib.

Nazir müavini bu gün dünyasını dəyişib. 

Fövqəladə Hallar Nazirliyindən N.Məmmədovun ölüm xəbərini təsdiqləyiblər.