Son Xəbər: Tramp: Çarli Kirk ölümündən sonra medalla təltif ediləcək, XİN rəhbəri Polşa vətəndaşlarına çağırış edib: Yalvarıram, Rusiya və Belarusa getməyin, Türkiyədə Suriya hərbçilərinin təliminə başlanılıb, İsrail şirkəti: Abşeronun su probleminin həlli üçün ən yaxşı texnologiyalar seçilir, 11 sentyabr terroru ərəfəsində ABŞ-də qətl – bu dəfə Venesuela hədəf ola bilər - ŞƏRH, ABŞ Minskdə səfirliyini bərpa etmək istəyir, Polşa Belarusla sərhədi qeyri-müəyyən müddətə bağlayır, 1990-cı ildə Azərbaycanın Ermənistandan atəşə tutulması ilə bağlı sənədlər elan edilib, Kamran Əliyevin Sinqapura səfəri başa çatıb, Bakı İqlim Fəaliyyəti Həftəsi üçün qeydiyyat prosesi başlayıb,

Laçında ekskavator ATƏŞƏ TUTULDU

Tarix: 7-09-2022, 17:24

Sentyabrın 7-si saat 08:10-dan 12:40-dək Ermənistan silahlı qüvvələrinin bölmələri Azərbaycan-Ermənistan dövlət sərhədinin Qarakilsə rayonunun Noravan yaşayış məntəqəsi istiqamətində yerləşən mövqelərindən Ordumuzun Laçın rayonunun Əhmədli yaşayış məntəqəsi istiqamətində yerləşən mövqelərini müxtəlif çaplı atıcı silahlardan fasilələrlə atəşə tutub.

Müdafiə Nazirliyindən verilən məlumata görə, eyni zamanda, qeyd olunan istiqamətdə bölmələrimizin təminat yollarının çəkilməsi məqsədilə yol işləri aparan mülki şirkətə məxsus texnika da atəşə məruz qalıb.

Şirkətin texnikasına zərər dəysə də, xəsarət alan olmayıb.

Ermənistan silahlı qüvvələrinin növbəti təxribatlarının qarşısını almaq məqsədilə bölmələrimiz tərəfindən cavab tədbirləri görülüb.

Əməliyyat şəraiti bölmələrimizin tam nəzarəti altındadır.

Bildiririk ki, dövlət sərhədində yaradılan istənilən qarşıdurmanın nəticələrinə görə bütün məsuliyyət Ermənistanın hərbi-siyasi rəhbərliyinin üzərinə düşür.