Son Xəbər: Qərbin ƏNƏNƏVİ TAKTİKASI – COP29-da maliyyə hədəfinin razılaşdırılmasına kimlər maneə TÖRƏDİR? – TƏHLİL, Prezident müddətli həqiqi hərbi xidmətə çağırışla bağlı sərəncam imzalayıb, Baş nazirdən yeni qərar: Bu tələbələrə ödəniş EDİLƏCƏK, Qərbi Azərbaycana Qayıdış üzrə Təşəbbüs Qrupu Bəyanat yaydı, Müdafiə naziri: Ali Baş Komandanın Ordumuzun gücünü bir daha qeyd etməsi istənilən təxribatlara qarşı məsuliyyətimizi artırır, Tramp Rusiya-Ukrayna münaqişəsi üzrə xüsusi elçisinin adını açıqladı, Belçika səfirliyi: “COP29-da inanılmaz əməkdaşlığa şahid olduq” – FOTO, Azərbaycanda zəlzələ olub, İranda elmi işini hicabsız müdafiə edən xanım bir il azadlıqdan məhrum edilib, UEFA-dan azərbaycanlı mütəxəssisə növbəti TƏYİNAT,

Bu dövlət qurumunun əməkdaşı işi özbaşına tərk edərək qətl törədibmiş

Tarix: 10-10-2022, 14:50

Ötən ilin noyabr ayının 9-da Sumqayıt şəhərində tənha yaşayan 1945-ci il təvəllüdlü Züleyxa Osmanovanın qətlə yetirilməsi ilə bağlı məhkəmə prosesi keçirilib.

“Qafqazinfo”nun əldə etdiyi məlumata görə, Sumqayıt Ağır Cinayətlər Məhkəməsində hadisəni törədən Xızı sakini, 1995-ci il təvəllüdlü Xanəhməd Rüstəmov Cinayət Məcəlləsinin 120.2.4, 120.2.11 (xüsusi amansızlıqla və quldurluq niyyətilə adam öldürmə) və 181.3.3-cü (Quldurluq-sağlamlığa ağır zərərvurmaqla) maddələri ilə təqsirləndirilib.

Məhkəmədə məlum olub ki, hadisəni törədən Xanəhməd Rüstəmov "Azərbaycan Dəmir Yolları" QSC-nin Mühafizə Departamentinin yüklərin və obyektlərin mühafizə komandasının əməkdaşı olub. O, hadisə baş verən gün xidmətdə olub və iş yerini özbaşına tərk edərək oğurluq məqsədilə əvvəlcədən seçdiyi mənzilə yaxınlaşıb.

Banka xeyli miqdarda kredit borcu olan X.Rüstəmov Sumqayıtda bir gün əvvəldən müəyyən etdiyi və kimsənin yaşamadığını düşündüyü mənzilə binanın yağış borusuna dırmaşmaqla çıxıb. O, gecə saat 04 radələrində 3-cü mərtəbədəki mənzilə eyvandan daxil olaraq axtarışa başlayıb və bu zaman mənzilə yaşayışın olduğunu, qonşu otaqdan səs gəldiyini görüb. Daha sonra Xanəhməd eyvandan götürdüyü daşla Z.Osmanovaya ağır zərbələr endirib, onun ölmədiyini gördükdə isə yerə yıxaraq boğub. Evdən 40 manat pul, telefon, noutbuk götürən şəxs daha sonra oradan uzaqlaşıb.

Məhkəmədə bildirilib ki, Z.Osmanovanın övladları İngiltərə və Hollandiya vətəndaşıdır və o, vaxtaşırı olaraq xaricə gedərək övladı ilə qalıb. Azərbaycana qayıtdıqda isə Sumqayıtdakı evində tək yaşayıb.

Həyata keçirilən əməliyyat-axtarış tədbirləri nəticəsində qətli törədən şəxs tutulub. O, törətdiyi əməli etiraf edib.

Məhkəmə prosesində ifadə verən QSC-nin Mühafizə departamentinin yüklərin və obyektlərin mühafizə komandasının rəisi X.Rüstəmovun hadisə baş verən gün sutkalıq xidmətdə olduğunu və iş yerini özbaşına tərk etdiyini bildirib.

X.Rüstəmov isə evə basqın etməzdən əvvəl xidməti geyimini çıxararaq mülki paltar geyindiyini deyib.

Sumqayıt Ağır Cinayətlər Məhkəməsinin hökmü ilə X.Rüstəmova 19 il müddətinə həbs cəzası verilib.