"Partlayış baş verən su kəməri sovet dövründə çəkilib" - Azərsu

Tarix: 15-10-2022, 13:31

 
“Partlayış baş verən su kəməri sovet dövründə çəkilib, hər il müxtəlif yerlərdə qəzalar baş verir”.

Bunu “Azərsu” ASC-nin mətbuat xidmətinin rəhbəri Anar Cəbrayıllı deyib. Qurum rəsmisi bildirib ki, hazırda əhalinin su ilə təchizatında problem yoxdur:

"Hazırda qəzanın nəticələrinin aradan qaldırılması üçün zəruri tədbirlər görülür".

Qeyd edək ki, Bakı şəhərini içməli su ilə təmin edən Kür-Bakı magistral su kəmərlərindən birində gecə saatlarında baş vermiş qəza nəticəsində (Qaradağ rayonu Qaz Emalı Zavodunun yaxınlığı) ətraf əraziləri, o cümlədən Bakı-Qazax avtomagistralını su basıb.

Aidiyyəti qurumların əməkdaşları hazırda hadisə yerindədir, qəzanın nəticələrinin aradan qaldırılması üçün tədbirlər görülür.