Son Xəbər: Paytaxtın bu ərazisində qaz olmayacaq, Putin Trampı ağıllı və təcrübəli siyasətçi adlandırıb, Tovuzda altı nəfərin öldüyü qəzada xəsarət alan yeniyetmə ölüb, Ağadadaş Ağayev özünü təqsirli bilməyib - MƏHKƏMƏ, Prezident ailəsi ilə Mərkəzi Nəbatat Bağının açılışında - Fotolar, Polşa prezidentinin şərti sərhəd “əməliyyatı” – dost dövlətin başçısının xətası - TƏHLİL, Astanada KTMT dövlət başçılarının sammiti keçirilir, Yeni ildə 7 gün ardıcıl iş olmayacaq, Sabah bəzi yerlərdə yağış yağacaq - PROQNOZ, İlham Əliyev Albaniya Prezidentini təbrik edib,

“Cırıq şalvar “5-ci kolon”un layihəsidir” – Professordan şok açıqlama

Tarix: 22-10-2022, 15:44

Gələn ildən orta məktəblərdə yeni şagird davranış qaydaları tətbiq ediləcək. Bu məqsədlə “Ümumi təhsil müəssisələrində şagird davranış qaydaları” və “Valideyn-məktəb münasibətlərinin tənzimlənməsi üzrə təlimat” layihələri hazırlanıb.

Yeni qaydalara əsasən, şagirdlər şəxsi gigiyena qaydalarına riayət etməli, dərs zəngindən əvvəl üst geyimi (palto, papaq, kapüşonlu jaket və s.) çıxarmalı, ümumi təhsil müəssisəsi təhsilalanlarının geyim formalarına aid qaydalara riayət etməli (məktəbli forması, ayaqqabı və s.), geyim səliqəli və təmiz olmalı, uzunluğu çiyindən aşağı olan saçları səliqəli şəkildə arxadan toplamalı, fiziki tərbiyə dərsləri üçün məktəbin geyim qaydalarına riayət etməlidirlər.

Qaydalarda eyni zamanda, şagirdlərə qadağan olunan məsələlər də əksini tapıb. Belə ki, şagirdlərə çox dar geyim, hündürdaban ayaqqabı, dizdən yuxarı olan ətək, zinət əşyası və bahalı saat kimi aksesuarlar, qeyri-adi saç düzümü və saç rəngi, uzun və rəngli dırnaqlar, makiyaj, saqqal qadağan olunacaq.

Yeni məktəbli qaydaları təhsil ictimaiyyəti tərəfindən birmənalı qarşılanmayıb. Hətta buna qarşı çıxanlar da var ki, onlardan biri professor Şahlar Əsgərovdur.

Professor Modern.az-a açıqlamasında bildirib ki, qadağalar təhsilin səviyyəsinə mənfi təsir göstərə bilər. O, fikirlərini belə izah edib:

“İstənilən qadağalar məkanı cazibədar etməz. Cəmiyyətin, nazirliyin borcu savadlı gənc nəsil yetişdirməkdir. Gəncləri qadağa ilə yox, düşüncə ilə öyrətmək lazımdır. Qadağa primitiv yoldur, keçmişdə də belə olub. Təhsil və elm qadağalarla inkişaf edə bilməz. Bu, mənim fikrim deyil, bəşəri təcrübənin nəticəsidir. Bəşəriyyət qadağaları qıra- qıra bugünkü səviyyəsinə çatıb. Qadağalar hərbidə faydalı ola bilər, amma təhsilə azadlıq lazımdır ki, şüur, düşüncə inkişaf etsin. Qadağa pis nəticəni ləğv etmək üçün tətbiq edilir, biz nəticə ilə mübarizə yox, səbəbi aradan qaldırmağa çalışmalıyıq.

Misal üçün, cırıq cins şalvar geyinməyi qızlara qadağan edə bilmərik. Onları başa salmalıyıq ki, bu “5-ci kolon”un bizə tətbiq etdiyi qlobal bir proyekdir. Beynimizi zədəliyir, bizə biganəlik psixologiyası yeridirlər. Bizə həm də aşılayırlar ki, şalvar çırıqdı fikir vermə, qonşun əyyaşdı və ya əxlaqsızdı fikir vermə, milli dəyərlər əldən gedir. Bütün bunlar uzun illərə hesablanıb”.

Professor təhsil həllini gözləyən daha vacib məsələlərin olduğunu söyləyib:

“Təhsildə vacib problemlər çoxdur. Yeni süni problemlərə ehtiyac yoxdur. Təhsili idarəedənlərin sırasında hüquqşünaslarla, iqtisadçılarla bərabər pedoqoji sahənin mütəxəsisləri də olmalıdır. Yoxsa yeni qadağalarla qarşılaşacayıq”.