Son Xəbər: Ağdamda ata və iki azyaşlı övladı su anbarında boğulub, Kibertəhlükəsizlik dövlət siyasətinin prioritetinə çevrilir - TƏHLİL, İmişlidə zəlzələ olub, Kənd Təsərrüfatı Nazirliyi: Abşeronda çəyirtkələrlə bağlı vəziyyət iqlim dəyişiklikləri ilə əlaqəlidir, İlham Əliyev Donald Trampı təbrik edib, Hərbi vəzifəlilər təlim toplanışında praktiki atış çalışmaları icra ediblər, Neftin qiyməti 72 dolları ötüb, DÇ-2026: 1/8 final mərhələsinin bütün cütləri müəyyənləşib, İctimai etimadın zirvəsində: İlham Əliyevin liderliyinə yüksək dəstəyin səbəbləri - ŞƏRH, Bakıda keçiriləcək dünya çempionatının rəsmi loqosu ictimaiyyətə təqdim olunub,

İki türkdilli dövlətin prezidenti Ermənistana gəldi

Tarix: 23-11-2022, 13:00

Qırğızıstan prezidenti Sadır Japarov və Qazaxıstan prezidenti Kasım-Jomart Tokayev Ermənistanın baş naziri Nikol Paşinyanın sədrliyi ilə keçiriləcək Kollektiv Təhlükəsizlik Müqaviləsi Təşkilatının Kollektiv Təhlükəsizlik Şurasının (KTŞ) sessiyasında iştirak etmək üçün bu gün İrəvana gəliblər.

Hava limanında onları Ermənistan baş nazirinin müavini Mher Qriqoryan qarşılayıb.

Xatırladaq ki, KMTN-nin bugünkü iclasında Ermənistanın baş naziri Nikol Paşinyan, Rusiya prezidenti Vladimir Putin, Belarus prezidenti Aleksandr Lukaşenko, Qazaxıstan prezidenti Kasım-Jomart Tokayev, Qırğızıstan prezidenti Sadır Japarov və Tacikistan prezidenti Emoməli Rəhmonun iştirakı gözlənilir. İclasda KTMT-nin baş katibi Stanislav Zas da iştirak edəcək.

Qurum üzvləri beynəlxalq və regional təhlükəsizliyin aktual məsələlərini, Kollektiv Təhlükəsizlik Müqaviləsi Təşkilatının sessiyalararası dövrdə fəaliyyətinin əsas nəticələrini müzakirə edəcəklər. Bundan başqa, KTMT-nin böhrana cavab sisteminin təkmilləşdirilməsi və Ermənistana yardım göstərilməsi üçün birgə tədbirlərin müzakirəsi də olacaq.

Sessiya zamanı Kollektiv Təhlükəsizlik Şurasının Bəyannaməsinin qəbul ediləcəyi gözlənilir.

KTMT-də sədrliyin Belarusa keçəcəyini nəzərə alaraq, prezident Aleksandr Lukaşenko gələn il üçün prioritetlərini təqdim edəcək.