Xizəksürmə ərazisində meydana gələn qar uçqununda itkin düşən 10 nəfər tapılıb

Tarix: 27-12-2022, 08:28

 Avstraliyada xizəksürmə ərazisində meydana gələn qar uçqununda itkin düşən on nəfər canlı tapılıb.

Bazar günü saat 15:00 radələrində Avstriyanın qərbindəki “Lech-Zuers” xizəksürmə bölgəsində qar uçqunu baş verib.

Bəzi xizəkçilərin uçqun altında qalması xəbərindən sonra səlahiyyətlilər axtarış-xilasetmə əməliyyatına başlayıb.

Lakin axtarışlardan sonra əməliyyat bazar günü gec saatlara qədər dayandırılıb.

10 nəfərin uçqun altında qalması şübhəsi ilə başladılan axtarış-xilasetmə işləri zamanı 1 nəfər qar altından çıxarılıb. Ağır yaralanan şəxs İnsbrukdakı xəstəxanaya çatdırılıb. Qar uçqunu nəticəsində ümumilikdə 4 nəfərin yaralandığı məlum olub.

Digər tərəfdən, videogörüntülərə əsasən, axtarılan 10 nəfərin təkbaşına dərəyə endiyi və ya uçqunun yaşandığı ərazidə olmadığı müəyyənləşib.

Mənbə: Reuters