Son Xəbər: Azərbaycan Prezidenti: Ukrayna xalqına bundan sonra da humanitar dəstək göstərməyə davam edəcəyik, Ali məktəblərin magistraturasına boş qalan plan yerlərinə qəbul elan edilib, Rusiya Odessada "Yujnı" limanını və yarımstansiyanı vurub, Bərdədə avtoqəzada 49 yaşlı kişi ölüb, Ukrayna qüvvələri Krasnodarda neftdaşıma kompleksinin rezervuarlarını vurub, Rusiya Zaporojyeyə yeddi zərbə endirib, 3 nəfər ölüb, Şükufə Yusupova qəzaya düşdü - Vəziyyəti ağırdır, Qətər əsir götürülmüş pilotlarla bağlı İranın ekspert qrupunu qəbul edəcək, M6 nömrəli ekspres marşrutunun hərəkət sxemində dəyişiklik edilir, Bakıda oğurluq edən şəxslər saxlanılıblar,

Yaponiyada ailələrə şirnikləndirici TƏKLİF

Tarix: 3-01-2023, 17:08

Yaponiya hakimiyyəti 37,7 milyon əhalisi ilə dünyanın ən böyük aqlomerasiyası sayılan Tokionu boşaltmaq siyasətinə başlayıb. Bunun üçün ailələrə şirnikləndirici layihələr təklif olunur.

Paytaxtdan köçməyə görə ailədəki hər uşağa bir milyon yen (təxminən 7700 ABŞ dolları) ödənəcək.

Tədbirlər əhalinin qocalmasından və azalmasından əziyyət çəkən Yaponiya üçün strateji hədəfə xidmət edir. Rəsmi Tokio bununla həm də ölkənin digər ərazilərini canlandırmaq istəyir. Ödənişləri almaq üçün ailə Tokiodan kənara və ya onun dağlıq bölgələrinə köçməlidir. Ən azı 5 il yeni yerdə yaşamalıdır. Geri qayıdanlar pulu qaytarmalı olacaqlar.

Yaponiyada bələdiyyələrin 80%-dən çoxu proqrama qoşulub: onlar köçənlərə vəd edilən məbləğin yarısını ödəyəcəklər. Yaponiya hökuməti 2027-ci ilə qədər on minlərlə insanın Tokiodan kəndlərə köçəcəyini gözləyir.

Yaponiya əhalisi aşağı doğum səviyyəsi və ömür uzunluğu səbəbindən sürətlə qocalır: ölkədə yaşı 100-ə çatan 90,5 mindən çox insan yaşayır (1963-cü ildə onların sayı 153 nəfər olub).

Musavat.com