Son Xəbər: Arvadından bir ay sonra da özü öldü, Yüksəkvəzifəli azərbaycanlı məmurların 350 min dolları oğurlanıb, Qəzaya düşən maşın mağazaya girdi - Foto, Əziz Orucov haqda həbs qərarı verildi, "Bütün dünyanın azadlığı üçün mübarizə aparırıq" - Putin, 44 günlük savaş Tehranı buna məcbur etdi - Beqlaryan, Qarabağda 8 peşə liseyi tikiləcək, “İran” adı 88 il öncə rəsmiləşdirilib, Jurnalist işgəncə altında komaya düşdü, Elçin Əfəndiyevin qızı vəzifəsindən ayrıldı,

Prezident İlham Əliyev gələn həftə Macarıstana rəsmi səfər edəcək

Tarix: 24-01-2023, 20:30

Azərbaycan Prezidenti İlham Əliyev gələn həftə Macarıstana rəsmi səfər edəcək.

Bu barədə ölkənin xarici işlər naziri Peter Sijarto bildirib. Prezidentin səfərinin gündəliyi barədə ətraflı məlumat verilmir.

Macarıstan diplomatiyasının rəhbəri “Facebook” səhifəsində qeyd edib ki, hazırda Azərbaycan liderinin səfəri ilə bağlı hazırlıq gedir. Nazir Siyarto onu da bildirib ki, Əliyevin səfəri öncəsi bu gün Budapeştdə Azərbaycanın iqtisadiyyat naziri Mikayıl Cabbarov ilə görüşü olub və enerji məsələləri müzakirə olunub.

“Avropa enerji böhranı yaşayır, ona görə də yeni təbii qaz mənbələrinə ehtiyac var. Ortamüddətli perspektivdə ən real ssenari Azərbaycandan Avropaya təbii qaz ixracının həcminin əhəmiyyətli dərəcədə artmasıdır. Bunun üçün regionumuzda infrastrukturu inkişaf etdirmək lazımdır və Azərbaycan da daha çox istehsal etməlidir”, - Macarıstanın xarici işlər naziri Facebook-da yazıb.

Keçən ay Macarıstan və Rumıniya, o cümlədən Azərbaycan və Gürcüstan yaşıl enerjinin inkişafı və təchizatı sahəsində strateji tərəfdaşlıq haqqında saziş imzalayıblar ki, bu saziş çərçivəsində Azərbaycan dəniz külək stansiyalarından Gürcüstan vasitəsilə Avropaya elektrik enerjisi ixrac etməyi planlaşdırır. Müqavilə Qara dənizin dibi ilə Azərbaycanı Gürcüstan və Rumıniya vasitəsilə Macarıstanla birləşdirəcək kabel xəttinin çəkilməsini nəzərdə tutur.