Son Xəbər: "The Times of Israel": ABŞ İranı danışıqlar masasına qaytarmaq üçün Pakistanın köməyini istəyib, UEFA Konfrans Liqası: "Qarabağ"la oyun üçün Bakıya "Tvente"nin 150-dək azarkeşi gələcək, Bakıda 36, rayonlarda 40 dərəcəyədək isti gözlənilir, Göyçaya qonaq gələn şəxsi elektrik cərəyanı vuraraq öldürüb, Rusiyadan Ermənistana Azərbaycandan tranzit keçməklə propan göndərilib, Azərbaycan Prezidenti: Ukrayna xalqına bundan sonra da humanitar dəstək göstərməyə davam edəcəyik, Ali məktəblərin magistraturasına boş qalan plan yerlərinə qəbul elan edilib, Rusiya Odessada "Yujnı" limanını və yarımstansiyanı vurub, Bərdədə avtoqəzada 49 yaşlı kişi ölüb, Ukrayna qüvvələri Krasnodarda neftdaşıma kompleksinin rezervuarlarını vurub,

"Səninləyəm-Türkiyəm!" adlı yardım kampaniyasına start verildi

Tarix: 6-02-2023, 13:59

Fevralın 6-da Türkiyənin Kahramanmaraş bölgəsində, Qaziantepdə və digər ərazilərdə güclü zəlzələ baş verib.

Təbii fəlakət zamanı Malatya, Diyarbakır, Adana, Hatay, Kilis və Osmaniye vilayətlərində binalar dağılıb, insan təlafatı və çoxsaylı yaralılar var. Azərbaycan Qızıl Aypara Cəmiyyətinin prezidenti, millət vəkili və cəmiyyətin rəhbər heyəti Türkiyə Qızıl Ayının Azərbaycan nümayəndəliyinə gedərək baş vermiş təbii fəlakətlə bağlı Türkiyə xalqına başsağlığı vermiş və cəmiyyətin missiyasına uyğun yardımların edilməsi üçün hazır olduqlarını bildirmişlər.

Səhər iş saatı başlayan kimi Azərbaycan Qızıl Aypara Cəmiyyətinin Baş Qərargahında Türkiyədəki zəlzələ ilə bağlı təcili müşavirə keçirilib. Cəmiyyətin prezidenti, millət vəkili Novruz Aslanovun başçılığı ilə keçirilən müşavirədə yardım kampaniyası ilə bağlı müzakirələr aparılıb, imkanlar araşdırılıb. Zəlzələdən zərərçəkən insanlara yardım edilməsi məqsədilə “SƏNİNLƏYƏM-TÜRKİYƏM!” adlı yardım kampaniyasının keçirilməsi qərara alınıb. Yardım kampaniyasına həm fiziki, həm də hüquqi şəxslər qoşula bilər.

Onlayn İANƏ: Hesab.az və Yardım.et

Ödəmə terminalları: Milliön, eManat

SMS İanəsi: Azercell abunəçiləri 8116 nömrəsinə İANƏ etmək istədiyi məbləği yazaraq SMS vasitəsilə İANƏ edə bilər.