Son Xəbər: Rusiyadan Ermənistana Azərbaycandan tranzit keçməklə propan göndərilib, Azərbaycan Prezidenti: Ukrayna xalqına bundan sonra da humanitar dəstək göstərməyə davam edəcəyik, Ali məktəblərin magistraturasına boş qalan plan yerlərinə qəbul elan edilib, Rusiya Odessada "Yujnı" limanını və yarımstansiyanı vurub, Bərdədə avtoqəzada 49 yaşlı kişi ölüb, Ukrayna qüvvələri Krasnodarda neftdaşıma kompleksinin rezervuarlarını vurub, Rusiya Zaporojyeyə yeddi zərbə endirib, 3 nəfər ölüb, Şükufə Yusupova qəzaya düşdü - Vəziyyəti ağırdır, Qətər əsir götürülmüş pilotlarla bağlı İranın ekspert qrupunu qəbul edəcək, M6 nömrəli ekspres marşrutunun hərəkət sxemində dəyişiklik edilir,

“Türkiyə - tək ürək” proqramından dünya REKORDU

Tarix: 17-02-2023, 16:30

Türkiyə, Azərbaycan və KKTC-də 213 televiziya kanalı və 562 radio ilə canlı yayımlanan zəlzələ qurbanlarının yaralarını sarmaq üçün təşkil edilən “Türkiyə - tək ürək” proqramında toplanan ianələrlə dünya rekordu qeydə alınıb.

Türk xalqı, sənət, iş və idman dünyasının qabaqda gələn adları ilə birlikdə zəlzələ qurbanları üçün ianə toplayan proqramda 115 milyard 146 milyon 528 min TL yardım qeydə alınıb.

Dünyada ən böyük canlı yardım kampaniyası 13 iyul 1985-ci ildə keçirilib. ABŞ və İngiltərədə eyni vaxtda keçirilən tədbirdə iki müğənni Bob Geldof və Midge Ure səhnəyə çıxıb. Efiopiyada aclıqdan xilas olmaq üçün vəsait toplamaq məqsədilə təşkil edilən tədbirə Londonda 72 min, ABŞ-da isə 100 min adam qatılıb, eyni gündə bir çox ölkədə konsertlər təşkil olunub.

Bütün zamanların ən böyük peyk bağlantılarından və yayımlarından birini təqdim edən tədbiri təxminən 1,9 milyard insan izləyib və ümumilikdə 127 milyon dollar ianə toplanılıb.

Türkiyədəki ortaq yayımda isə cəmi 115 milyard 146 milyon 528 min TL toplanıb. Bu ianə 6 milyard 107 milyon 208 min dollara bərabərdir. Başqa sözlə, bu, dünyada toplanan ən yüksək ianə olub.