Son Xəbər: "The Times of Israel": ABŞ İranı danışıqlar masasına qaytarmaq üçün Pakistanın köməyini istəyib, UEFA Konfrans Liqası: "Qarabağ"la oyun üçün Bakıya "Tvente"nin 150-dək azarkeşi gələcək, Bakıda 36, rayonlarda 40 dərəcəyədək isti gözlənilir, Göyçaya qonaq gələn şəxsi elektrik cərəyanı vuraraq öldürüb, Rusiyadan Ermənistana Azərbaycandan tranzit keçməklə propan göndərilib, Azərbaycan Prezidenti: Ukrayna xalqına bundan sonra da humanitar dəstək göstərməyə davam edəcəyik, Ali məktəblərin magistraturasına boş qalan plan yerlərinə qəbul elan edilib, Rusiya Odessada "Yujnı" limanını və yarımstansiyanı vurub, Bərdədə avtoqəzada 49 yaşlı kişi ölüb, Ukrayna qüvvələri Krasnodarda neftdaşıma kompleksinin rezervuarlarını vurub,

Həcc ziyarətinin qiyməti niyə bahalaşıb? - QMİ açıqladı

Tarix: 17-03-2023, 13:56

“Bu il müqəddəs Həcc ziyarətinin təşkili ilə bağlı Səudiyyə Ərəbistanı Krallığının Həcc işləri üzrə Nazirliyinin irəli sürdüyü şərtlər və yenilənmiş qaydalar əsasında, habelə qiymətləri sərbəst təyin edən mehmanxana, yerüstü daşıma və digər xərclərdə artım müşahidə olunması səbəbindən ziyarətin qiyməti ötən ilkinə nisbətən artıb”.

Bu barədə Qafqaz Müsəlmanları İdarəsindən (QMİ) məlumat verilib.

Bildirilib ki, Səudiyyə Ərəbistanı bu ildən ziyarət qiymətlərinə 15 faizlik əlavə dəyər vergisi (ƏDV) tətbiq etməyə başlayıb ki, bu da ümumi qiymətə təsir edir:

“Qiymətlər qəbul edən ölkə - Səudiyyə Ərəbistanının müvafiq qurumlarının normativləri əsasında müəyyən edilir. Bu il də istisna deyil və yeni qiymət məhz bu əsnada formalaşıb.

Müqayisə üçün bildiririk ki, maraqlananlar qonşu dövlətlərin Həcc ziyarəti qiymətləri ilə tanış olmaqla Azərbaycandakı qiymətlərin heç də yüksək olmadığının fərqində ola bilərlər. Ümumən götürdükdə, qiymətlərdəki artım dünyadakı qlobal inflyasiya proseslərindən qaynaqlanır”.

Qeyd edək ki, bir nəfər üçün ziyarət paketinin qiyməti 5750 ABŞ dolları (9 775 AZN) təşkil edir. Builki ziyarət azərbaycanlı zəvvarlar üçün vahid formada təşkil olunacaq və təyyarə reysləri vasitəsi ilə həyata keçiriləcək. Sənədlərin qəbulu 17 mart tarixindən başlanacaq.

Xatırladaq ki, ötən il bu məbləğ 5350 dollar idi.