Son Xəbər: İsrail diplomatlarını Türkiyəyə geri döndərir, Güzdək Bozdağı palçıq vulkanı növbəti dəfə püskürüb, Argentina dəmir yolu sahəsində fövqəladə vəziyyət elan edəcək, Zaqatalada iki avtomobil toqquşub, ölən və xəsarət alanlar var, Prezident İlham Əliyev: Kiçik ada dövlətlərinə yardım bizim üçün mənəvi borcdur, “Trendyol” Azərbaycan üçün qiymətləri kəskin artırdı, Müğənni uşaqları yox, uşaqlar maşını "vurubmuş"..., Dövlət qulluqçularının NƏZƏRİNƏ: Cavablar AÇIQLANDI, Bəzi məhsulların qityməti artıb - SİYAHI, Bir sıra birinci instansiya məhkəmələrinə hakimlər təyin edilib - SƏRƏNCAM,

"Laçının işğalı AXC-Müsavat xəyanətkar cütlüyünün növbəti çirkin xəyanəti idi" - Dövlət başçısı

Tarix: 28-03-2023, 16:11

Şuşanın işğalından bir neçə gün sonra Laçın rayonu da işğal edildi. Bu, ölkəmiz üçün, laçınlılar üçün böyük faciə idi və bu, AXC-Müsavat xəyanətkar cütlüyünün növbəti çirkin xəyanəti idi.

Bu fikirləri Prezident İlham Əliyev Məsim Məmmədovu Prezidentin Şərqi Zəngəzur iqtisadi rayonuna daxil olan Laçın rayonunda xüsusi nümayəndəsi təyin olunması ilə əlaqədar qəbul edərkən söyləyib.

Dövlətimizin başçısı deyib: “AXC-Müsavat cütlüyü hakimiyyətə can atırdı, istənilən yollarla hakimiyyəti zəbt etməyə çalışırdı və torpaqların Ermənistana verilməsi, satılması faktiki olaraq onların bu çirkin niyyətə çatmaları üçün bir fürsət idi. Onlar bunu belə qiymətləndirirdilər - hesab edirdilər ki, əgər Azərbaycan xalqı böyük bir sarsıntı keçirərsə, onlar üçün əlavə şanslar yaranacaq. Əfsuslar olsun ki, belə də oldu”.