Son Xəbər: Paşinyan: Ermənistan sabah TRIPP layihəsinin başlanmasını elan edəcək, İlham Əliyev: Vyetnama 2020-ci ilin Vətən müharibəsi dövründə verdiyi dəstəyə görə minnətdarıq, Bazar günü hava 18 dərəcə isti olacaq, İrandan qaçaqmalçılıq yolu ilə gətirilən güclü təsiredici dərmanlar aptekdə satılıb, saxlanılanlar var, İlham Əliyev: Vyetnamın müstəqillik mübarizəsi Azərbaycan xalqı tərəfindən həmişə dəstəklənib, Seul yaxınlığında yük qatarı relsdən çıxıb, Sumqayıtda yol çöküb, Azərbaycan və NATO logistik imkanlarından birgə istifadə mexanizmlərini müzakirə edib, İlham Əliyev və To Lam Birgə Bəyanat qəbul ediblər, Azərbaycan-Vyetnam sənədləri mübadilə olunub, Taksi sürücüsü olmaq istəyənlər üçün dekabrın 17-də keçiriləcək imtahana qeydiyyat başlayıb,

Azərbaycanda kredit faizləri artacaq - AÇIQLAMA

Azərbaycanda kredit faizləri artacaq - AÇIQLAMA

Tarix: 29-03-2023, 12:37

 

Xəbər verdiyimiz kimi, bu gün Mərkəzi Bankın qərarı ilə uçot dərəcəsi artırılıb. Faiz dərəcəsi 0.25 faiz bəndi artırılaraq 8.75%-ə, faiz dəhlizinin aşağı həddi 0.25 faiz bəndi artırılaraq 7%-ə, faiz dəhlizinin yuxarı həddi isə 0.25 faiz bəndi artırılaraq 9.75%-ə qaldırılıb.

Məsələ ilə bağlı açıqlama verən iqtisadçı ekspert Natiq Cəfərli bildirib ki, Mərkəzi Bank dünyada gedən proseslərə paralel addımlar atır:

"Dünyada digər Mərkəzi Banklar da faizləri artırır. Onlar uçot dərəcəsinin artırılması yolu ilə inflyasiya ilə mübarizə aparır. Azərbaycan Mərkəzi Bankı da buna uyğun davranmağa çalışır. AMB uçot dərəcəsini artırmaqla inflyasiyaya təsir edə biləcəyini düşünür, amma təəssüf ki, Azərbaycanda uçot dərəcəsi ilə inflyasiyanın birbaşa bağlantısı yoxdur. 

Uçot dərəcəsinin artırılması nəticəsində bizdə bank kreditləri bahalaşır. Kreditlərin bahalaşması hesabına iqtisadi aktivliyin azaldılması və inflyasiyanın zəiflədilməsi varsayımı ilə davranılır. Bu isə Azərbaycanda işləmir. Biz Azərbaycanda uçot dərəcəsinin 3.75% olduğu dövrdə də, 15% olduğu vaxtda da yüksək inflyasiya görmüşük. Yəni, Azərbaycanda qiymət artımına və inflyasiyaya təsir edən amillər Mərkəzi Bankdan asılı deyil. Bir tək Mərkəzi Bankın uçot dərəcəsini artırması ilə inflyasiya ilə mübarizə aparmaq mümkün deyil.

İnflyasiyaya qarşı mübarizə üsulları Azərbaycanda tamamilə fərqli olmalıdır. Gömrük rüsumları və vergi faizləri aşağı salınmalıdır, rəqabətli mühit yaradılmalıdır. Biznes mühitinin yaxşılaşdırılması üçün addımlar atılmalıdır", - deyə o bildirib.

"Unikal"





RƏYLƏR


REKLAM

XƏBƏR LENTİ

POPULYAR XƏBƏRLƏR