Son Xəbər: Zərərçəkmiş şəxsin razılığı olmadan onun foto və ya videosunu mediaya təqdim edənlər cəzalandırılacaq, Qazaxın Xeyrimli kəndində erməni istehkamçı minaya düşüb, TAP ilə Azərbaycandan Avropaya qaz tədarükü sifarişlərinin həcmləri azalıb, Laos Prezidenti Rusiyaya səfər edəcək, Azərbaycan Premyer Liqasında XXXIII tura bu gün yekun vurulacaq, Rusiya Volodimir Zelenskini axtarışa verib, Hicabı reytinqə alət edənlər... – SƏRT REAKSİYALAR, COP29 zamanı faəliyyət göstərəcək dövlət və özəl xəstəxanaların siyahısı HAZIRLANDI, Azərbaycanla Türkiyə arasında ikiqat vergitutma LƏĞV EDİLDİ, Gimnastlarımız Avropa Kubokunda medal qazandı,

Şəhid ailələri və veteranlar üçün yeni “Çağrı Mərkəzi” fəaliyyətə başlayır

Tarix: 31-03-2023, 16:07

Aprelin 1-dən Səhiyyə Nazirliyinin müharibə veteranları və şəhid ailələrinə psixoloji yardım və tibbi reabilitasiya üzrə 9109 qısa nömrəli “Çağrı Mərkəzi” fəaliyyətə başlayır.

Müharibə veteranlarına və şəhid ailələrinə göstərilən psixoloji dəstəyin təkmilləşdirilməsi, tibbi reabilitasiya xidmətlərinin mütəmadiliyinin təmin edilməsi, sahəvi fəaliyyətlərin digər dövlət qurumları ilə koordinasiyalı şəkildə təşkili məqsədilə Səhiyyə Nazirliyinin 9109 qısa nömrəli “Çağrı Mərkəzi” yaradılıb.

“Çağrı Mərkəzi”nə daxil olan müraciətlərin operativ şəkildə həlli məqsədilə aidiyyəti dövlət qurumları ilə inteqrasiya olunmuş “Müharibə veteranları və şəhid ailələrinə psixoloji yardım və tibbi reabilitasiya üzrə Vahid Nəzarət Platforması” formalaşdırılıb.

9109 “Çağrı Mərkəzinə” müraciətlər həftənin bütün günləri, günün istənilən vaxtında qəbul olunur.