Son Xəbər: Paşinyan: Ermənistan sabah TRIPP layihəsinin başlanmasını elan edəcək, İlham Əliyev: Vyetnama 2020-ci ilin Vətən müharibəsi dövründə verdiyi dəstəyə görə minnətdarıq, Bazar günü hava 18 dərəcə isti olacaq, İrandan qaçaqmalçılıq yolu ilə gətirilən güclü təsiredici dərmanlar aptekdə satılıb, saxlanılanlar var, İlham Əliyev: Vyetnamın müstəqillik mübarizəsi Azərbaycan xalqı tərəfindən həmişə dəstəklənib, Seul yaxınlığında yük qatarı relsdən çıxıb, Sumqayıtda yol çöküb, Azərbaycan və NATO logistik imkanlarından birgə istifadə mexanizmlərini müzakirə edib, İlham Əliyev və To Lam Birgə Bəyanat qəbul ediblər, Azərbaycan-Vyetnam sənədləri mübadilə olunub, Taksi sürücüsü olmaq istəyənlər üçün dekabrın 17-də keçiriləcək imtahana qeydiyyat başlayıb,

İranda “Bəluç soyqırımı” yenidən gündəm oldu - VİDEO

İranda “Bəluç soyqırımı” yenidən gündəm oldu - VİDEO

Tarix: 4-08-2023, 20:02

Avqustun 2-dən etibarən “Twitter”in İran seqmentində “Bəluç soyqırımı” həştəqi ilə kütləvi paylaşımlara başlanılıb.

Aksiyaya səbəb iyulun 30 və 31-də, yəni 48 saat ərzində İran hökuməti tərəfindən 12 bəluç vətəndaşın, eləcə də bir əfqanın edam olunmasıdır. Ən dəhşətlisi budur ki, həmin şəxslərin edam olunmazdan qabaq ailə üzvləri və yaxınları ilə son görüşünə belə imkan verilməyib. İctimai və siyasi fəallar sosial şəbəkələrdə həmin şəxslərin adlarını və şəkillərini yayıblar.

Edam edilənlər arasında 72 yaşlı bir fermer də vardır. Aksiya ilə bağlı İran İnsan Haqları Təşkilatının rəsmi Tvitter hesabında yazılıb: “İranlılar ölkədə bəluçların edam olunmasının son artımına qarşı kampaniyaya başlayıblar. Bəluçlar müxtəlif məlumatlara görə, İran əhalisinin ümumi sayının 2-6 faizini təşkil edirlər, lakin İranda 2022-ci ildə icra olunmuş bütün edamların 30 faizi, 2023-cü ilin ilk altı ayındakı edamların isə 20 faizi bəluçların payına düşüb.

Narkotik maddələrə görə edam olunanlar içərisində də bəluçların sayı çox yüksəkdir. 2022-ci ildə ölkə üzrə narkotik ittihamı ilə edam edilənlərin 47,3 faizi bəluçlar olub.

Mövzu ilə bağlı digər statistik məlumatlar da açıqlanıb. Məsələn, tanınmış jurnalist Əli Cavanmərdi yazıb:

“Son üç ayda İranda ən azı 72 bəluç mənşəli məhbus edam olunub. Aparıcı informasiya agentliklərinin və beynəlxalq ictimaiyyətin susması fonunda bəluç vətəndaşların edam edilməsi hallarının kəskin yüksəlişi ciddi narahatlıq doğurur”. Məsələ ilə əlaqədar əm çox vurğulanan məqam da məhz beynəlxalq media və ictimaiyyətin İranda bəluç xalqına qarşı törədilən vəhşiliklərə susması olub. Bəluçistanda baş verənləri işıqlandıran “Halvəş” saytının rəhbəri, jurnalist və hüquq müdafiəçisi Şirəhməd Şirani Naruyi problemin bu cəhətinə toxunaraq yazıb: “Hər gün Bəluçistanda İran İslam Respublikası ağır cinayətlər törədir, lakin kütləvi informasiya vasitələri bu cinayətlərə diqqət yetirmir, halbuki bunlar insanlığa qarşı cinayətlərdir. Biz bu sükutun səbəbini bilmək istəyirik”.

Daha ətraflı “Azad İran” “Youtube” kanalının süjetində:




RƏYLƏR


REKLAM

XƏBƏR LENTİ

POPULYAR XƏBƏRLƏR