Son Xəbər: Paşinyan: Ermənistan sabah TRIPP layihəsinin başlanmasını elan edəcək, İlham Əliyev: Vyetnama 2020-ci ilin Vətən müharibəsi dövründə verdiyi dəstəyə görə minnətdarıq, Bazar günü hava 18 dərəcə isti olacaq, İrandan qaçaqmalçılıq yolu ilə gətirilən güclü təsiredici dərmanlar aptekdə satılıb, saxlanılanlar var, İlham Əliyev: Vyetnamın müstəqillik mübarizəsi Azərbaycan xalqı tərəfindən həmişə dəstəklənib, Seul yaxınlığında yük qatarı relsdən çıxıb, Sumqayıtda yol çöküb, Azərbaycan və NATO logistik imkanlarından birgə istifadə mexanizmlərini müzakirə edib, İlham Əliyev və To Lam Birgə Bəyanat qəbul ediblər, Azərbaycan-Vyetnam sənədləri mübadilə olunub, Taksi sürücüsü olmaq istəyənlər üçün dekabrın 17-də keçiriləcək imtahana qeydiyyat başlayıb,

Priqojinin müttəfiqi hesab edilən rusiyalı general ev dustaqlığına salınıb?

Priqojinin müttəfiqi hesab edilən rusiyalı general ev dustaqlığına salınıb?

Tarix: 16-08-2023, 17:19

“Vaqner” özəl hərbi şirkətinin təsisçisi Yevgeni Priqojinin müttəfiqi hesab edilən rusiyalı general Sergey Surovikin Moskvanın Ukraynada başlatdığı müharibədə rəhbərlik mövqeyindən uzaqlaşdırılıb.

Hazırda onun ev dustaqlığında olduğu bildirilir.

Bu barədə rusiyalı hərbi bloqerlər arasında və KİV-də xəbərlər yayılıb.

Belə ki, Rusiya təhlükəsizlik qüvvələrinə yaxın şəxs tərəfindən idarə olunduğu hesab edilən “VÇK-OQPU” “Telegram” kanalının verdiyi məlumata görə, Surovikin hazırda “bir növ ev dustaqlığındadır”. O, olduğu mənzili tərk edə bilməz, lakin ona baş çəkilməsinə, xüsusən də tabeliyində olan bir neçə nəfərin onu ziyarət etməsinə icazə verilir.

Çeçenistan və Suriyadakı aqressiv hərbi strategiyalarına görə “Armageddon generalı” kimi tanınan Surovikin 2023-cü ilin iyununda “Vaqner”çilərin Moskvaya “yürüşü”ndən sonra ictimaiyyət arasında görünmür. Belə ki, onun Priqojin tərəfindən planlaşdırılan üsyandan xəbəri olduğu barədə məlumatlar yayılıb.

Bu məlumatın ortaya çıxması Rusiyanın keçmiş general-leytenantı, hazırda Dövlət Dumasının deputatı olan Viktor Sobolevin Surovikinin Ukraynadakı Rusiya qüvvələrinin komandanı vəzifəsindən uzaqlaşdırıldığını elan etməsindən bir neçə gün sonraya təsadüf edir.

Sobolev, həmçinin, Surovikinin qayıda biləcəyinə işarə vurub və generalın ciddi qanun pozuntularına yol vermədiyi aşkar olunmasa, sonradan orduya faydalı ola biləcəyini bildirib.

Kreml hələlik general Sergey Surovikinin harada olması ilə bağlı rəsmi açıqlama verməyib. Həmçinin, Yevgeni Priqojinin muzdlularının yürüşü haqqında məlumatlı olduğuna dair xəbərləri də şərh etməyib.

Mənbə: “Politico”




RƏYLƏR


REKLAM

XƏBƏR LENTİ

POPULYAR XƏBƏRLƏR