Son Xəbər: "Xocəsən" və "Avtovağzal" metrostansiyalarına giriş müvəqqəti pulsuz olacaq, Milli Məclisdə tələbə-gənclər təşkilatları ilə görüş keçirilməsi təklif edilib, Nazir: "Yanaşmamız xammalı daha çox emal etməkdir", Prezident: Azərbaycan beynəlxalq sülh və təhlükəsizliyin təmin olunmasını prioritet hesab edir, Sabah Azərbaycanda 34 dərəcə isti olacaq, Prezidentin sədrliyi ilə dağ-mədən və metallurgiya sənayesinin inkişafına dair Dövlət Proqramına həsr olunmuş müşavirə keçirilib, Formula 1-ə görə Bakıda bəzi məktəblər distant təhsilə keçib, Sentyabrın pensiya ödənişləri yekunlaşıb, FHN yanğın təhlükəsizliyi ilə bağlı kənd yerlərində yaşayan əhaliyə müraciət edib, Bakının bəzi yollarında nəqliyyatın sıxlığı müşahidə olunur,

Yeni təyin olunan səfirlər kimdir?

Tarix: 29-08-2023, 15:06

Xəbər verdiyimiz kimi, Prezident İlham Əliyevin imzaladığı sərəncamlarla Çin, İraq və Türkmənistana yeni səfirlər təyin olunub.

Çin Xalq Respublikasında fövqəladə və səlahiyyətli səfiri təyin edilən Bünyad Səməd oğlu Hüseynov bundan əvvəl İran İslam Respublikasında fövqəladə və səlahiyyətli səfir vəzifəsində çalışıb. O eyni zamanda Azərbaycan Respublikasının İqtisadi Əməkdaşlıq Təşkilatı yanında daimi nümayəndəsi olub. 2021-ci ildə dövlət başçısının sərəncamı ilə həmin vəzifələrindən geri çağırılıb.

Azərbaycanın İraq Respublikasında fövqəladə və səlahiyyətli səfiri təyin olunan Nəsir Natiq oğlu Məmmədov bundan əvvəl adıçəkilən səfirlikdə müvəqqəti işlər vəkili olub.

Türkmənistana fövqəladə və səlahiyyətli səfiri təyin edilən Qismət Füzuli oğlu Gözəlov isə buna qədər Türk Dövlətləri Təşkilatının (TDT) Baş katibinin müavini idi.