Son Xəbər: "Xocəsən" və "Avtovağzal" metrostansiyalarına giriş müvəqqəti pulsuz olacaq, Milli Məclisdə tələbə-gənclər təşkilatları ilə görüş keçirilməsi təklif edilib, Nazir: "Yanaşmamız xammalı daha çox emal etməkdir", Prezident: Azərbaycan beynəlxalq sülh və təhlükəsizliyin təmin olunmasını prioritet hesab edir, Sabah Azərbaycanda 34 dərəcə isti olacaq, Prezidentin sədrliyi ilə dağ-mədən və metallurgiya sənayesinin inkişafına dair Dövlət Proqramına həsr olunmuş müşavirə keçirilib, Formula 1-ə görə Bakıda bəzi məktəblər distant təhsilə keçib, Sentyabrın pensiya ödənişləri yekunlaşıb, FHN yanğın təhlükəsizliyi ilə bağlı kənd yerlərində yaşayan əhaliyə müraciət edib, Bakının bəzi yollarında nəqliyyatın sıxlığı müşahidə olunur,

Zelenskinin BMT Baş Assambleyasında iştirakı ilə bağlı qərar verildi

Tarix: 2-09-2023, 09:29

Ukrayna Prezidenti Volodimir Zelenskinin Nyu Yorkda BMT Baş Assambleyasının 78-ci sessiyasında iştirak edəcəyi və ölkədəki vəziyyəti müzakirə edəcəyi gözlənilir.

Bu barədə jurnalistlərə Albaniyanın BMT-dəki səfiri Ferit Hoca məlumat verib.

Onun sözlərinə görə, Zelenski ehtimal edildiyi kimi, sentyabrda Nyu-Yorkda BMT-də dünya liderlərinin illik toplantısında və BMT Təhlükəsizlik Şurasının Ukrayna üzrə iclasında iştirak edəcək.

Albaniyanın BMT-dəki səfiri vurğulayıb ki, Təhlükəsizlik Şurasının Ukrayna üzrə iclası nümayəndə heyətlərinin rəhbərləri səviyyəsində keçiriləcək. O əlavə edib ki, BMT liderlərin Nyu-Yorkda olmasından istifadə etmək istəyir. Sentyabrın 20-də Ukraynada sülhün və təhlükəsizliyin qorunması mövzusunda tədbir baş tutacaq.

BMT Baş Assambleyasının 78-ci sessiyasında Rusiya nümayəndə heyətinə Rusiyanın xarici işlər naziri Sergey Lavrov başçılıq edəcək.

Mənbə: “Reuters”