Son Xəbər: Naxçıvan iqtisadiyyat nazirinə yeni müavin təyin edilib, Cəbrayılda növbəti əmək yarmarkası keçiriləcək, Prezident deputatı “Şöhrət” ordeni ilə təltif etdi, Naxçıvan Qida Təhlükəsizliyi Agentliyinə sədr müavini təyin edilib, İlham Əliyev Türkiyəyə işgüzar səfər edib, Şahin Mustafayev: "Biz Rusiya ilə münasibətlərdə bərabərhüquqlu tərəfdaşlıq prinsiplərinə sadiqik", “Teleradio”ya yeni rəhbər təyin edilib, Sahibə Qafarova Parlamentlərarası İttifaqının 152-ci Assambleyasının açılışında iştirak edib, "Sevgililərinə ev alırlar, amma sənətkarlara biganə qalırlar" - Xalq artisti, Azərbaycan nefti 6 dollara yaxın ucuzlaşıb,

Bu kənddə yasda yemək qadağan edildi - Deputat təklifi dəstəklədi

Tarix: 11-09-2023, 20:10

Naxçıvan Muxtar Respublikasının Şərur rayonu Mahmudkənd kəndinin əhalisinin birgə qərarı ilə yas mərasimlərində ehsan verilməsi qadağan edilib.

Bu barədə kəndin sosial şəbəkə hesabında məlumat paylaşılıb. Bildirilib ki, ötən gündən etibarən kənd ərazisindəki 3, 7 və 40 mərasimlərində ehsan verilməyəcək.

Qeyd olunub ki, hər hansı kənd sakini bu qaydanı pozarsa, həmin mərasimdə sakinlər iştirak etməyəcək.

Deputat Fazil Mustafa "faceook" paylaşımında bu qərarı dəstəklədiyini bildirib: "Burada bir elan qarşıma çıxdı, çox ağıllı və faydalı bir təklif verilib. Şərur rayonu Mahmudkənd ağsaqqalları qərar qəbul ediblər ki, bundan sonra yasda yemək ehsanı verilməsin. Ürəyimcədir, vacibdir, alqışlayıram, dəstəkləyirəm. Sadəliyi sevən, yekəxana olmayan, özündən yeni bir İslam dini kəşf etməyən, ölüsünə ancaq yeməklə savab qazandırmaq istəməyən hər bir ağıllı insan üçün bir örnək davranışdır.

Bununla belə, hər kəsin israfçılıq etmək, özünə lazımsız sıxıntı yaratmaq, öz ağlını mollanın ağlına təslim etmək, xeyli xərc çəkib verdiyi bir neçə növ yemək ehsanı ilə lovğalanmaq hüququ saxlanılır", - deyə deputat vurğulayıb.