Son Xəbər: Prezident Azərbaycanın COP29-la bağlı imzaladığı Razılaşmanı təsdiqlədi, "ASAN Xidmət"in işçilərinin sayı artırılıb, XİN başçısı: Ermənistanda artan sürətli hərbiləşmə narahatlıq mənbəyidir, İlham Əliyev: İnkişaf etməkdə olan kiçik ada dövlətləri Azərbaycanın gündəliyində prioritet istiqamətlərdən biridir, Türkiyə hərbçiləri PKK terror qruplaşmasının 11 üzvünü öldürüb, Pezeşkian: ABŞ və müttəfiqləri İranın nüvə proqramı ətrafında uydurma böhran yaradıblar, Kansler: ABŞ raketlərinin Almaniyada yerləşdirilməsi Rusiya ilə gərginliyə səbəb olmayacaq, Livan dünya dövlətlərini İsrailin hücumunun nəticələri barədə xəbərdarlıq edib, İlham Əliyevin Pakistana dünya mediasında, 307 nəfərin deputatlığa namizədliyi irəli sürüldü,

Bakının işğaldan azad edilməsindən 105 il ötür

Bakının işğaldan azad edilməsindən 105 il ötür

Tarix: 15-09-2023, 08:38

 

Bu gün Bakının işğaldan azad edilməsindən 105 il ötür.

Azərbaycan 1918-ci il mayın 28-də müstəqilliyini elan etdikdən sonra ölkə iki yerə parçalanıb, bolşevik-daşnak birləşmələrinin qurduğu Bakı Xalq Komissarları Soveti paytaxtda hakimiyyəti ələ keçirib.

Bolşevik-daşnak silahlı birləşmələri Azərbaycanın nəzarətdə saxladıqları bölgələrində yerli əhaliyə qarşı soyqırımı törədib, insanları kütləvi şəkildə qətlə yetiriblər. İyun ayından bolşeviklərin silahlı dəstələri Azərbaycanın qərb rayonlarını öz təsirləri altına almaq üçün genişmiqyaslı əməliyyatlara başlayıb. Şamaxı istiqamətində irəliləyən bolşevik-daşnak birləşmələri yol üzərindəki bütün Azərbaycan kəndlərini çapıb-talayıb, dinc əhalini məhv ediblər. Vəziyyəti nəzərə alan Nuru Paşanın komandanlıq etdiyi Qafqaz İslam Ordusu Azərbaycan Xalq Cümhuriyyətinin köməyinə göndərilib.

Qafqaz İslam Ordusu və Azərbaycanın yeni təşkil olunan Milli Ordu birləşmələri Göyçay yaxınlığında bolşevik-daşnak birləşmələrini məğlub edərək Bakıya doğru irəliləyib. Paytaxta doğru bir neçə istiqamətdə hərəkət edən ordu birləşmələri Şamaxı, Kürdəmir və digər yaşayış məntəqələrini işğaldan azad ediblər. Sentyabrın 15-də günorta saatlarına kimi davam edən döyüşlərdən sonra Qafqaz İslam Ordusu Bakı şəhərini işğaldan azad edilib və bir gün sonra indiki Sahil bağında Qafqaz İslam Ordusu və Azərbaycan qoşunlarının rəsmi paradı keçirilib.

Xatırladaq ki, Bakıda xilaskar türk əsgərinin şərəfinə abidə ucaldılıb, Şamaxıda isə şəhid olmuş türk əsgərlərinin qəbirüstü abidəsi götürülüb.





RƏYLƏR


REKLAM

XƏBƏR LENTİ

POPULYAR XƏBƏRLƏR