Son Xəbər: Prezidentlər və birinci xanımları “Poyi-Kalon” kompleksi ilə tanış olublar, Rusiya senatorundan Paşinyana: Çıxmaq istəyirsənsə, özün çıx, "The Times of Israel": ABŞ İranı danışıqlar masasına qaytarmaq üçün Pakistanın köməyini istəyib, UEFA Konfrans Liqası: "Qarabağ"la oyun üçün Bakıya "Tvente"nin 150-dək azarkeşi gələcək, Bakıda 36, rayonlarda 40 dərəcəyədək isti gözlənilir, Göyçaya qonaq gələn şəxsi elektrik cərəyanı vuraraq öldürüb, Rusiyadan Ermənistana Azərbaycandan tranzit keçməklə propan göndərilib, Azərbaycan Prezidenti: Ukrayna xalqına bundan sonra da humanitar dəstək göstərməyə davam edəcəyik, Ali məktəblərin magistraturasına boş qalan plan yerlərinə qəbul elan edilib, Rusiya Odessada "Yujnı" limanını və yarımstansiyanı vurub,

İlham Əliyev və Putin arasında telefon danışığı oldu

Tarix: 21-09-2023, 14:36

Rusiya prezidenti Vladimir Putinlə Azərbaycan lideri İlham Əliyev arasında telefon danışığı olub.

Bu barədə Kreml məlumat yayıb.

Telefon danışığında Qarabağda erməni əhalisinin təhlükəsizliyinin təmin edilməsinin vacibliyi vurğulanıb.

Ölkə lideri Rusiya sülhməramlılarının Qarabağda həlak olması ilə bağlı dərin hüznlə başsağlığı verib.

Prezidentlər həmçinin Qarabağda vəziyyətin daha da sabitləşdirilməsi və humanitar problemlərin aradan qaldırılması üçün prioritet addımları müzakirə ediblər və hərbi əməliyyatların dayandırılması ilə bağlı Rusiya sülhməramlılarının köməyi ilə əldə edilmiş razılaşmaların həyata keçirilməsinin vacibliyini qeyd ediblər.

Liderlər Qarabağ və Azərbaycanla Ermənistan arasında sərhədin delimitasiyası ilə bağlı razılaşmalara uyğun olaraq işi gücləndirmək barədə razılığa gəliblər.

Həmçinin Ermənistanın iştirakı ilə üçtərəfli danışıqlar prosesinin, o cümlədən Bakı ilə İrəvan arasında sülh müqaviləsinin hazırlanmasına dair danışıqlar prosesinin aktivləşdirilməsi razılaşdırılıb: "İlk növbədə nəqliyyat əlaqələrinin açılması, Azərbaycan-Ermənistan sərhədinin delimitasiyası və Bakı ilə İrəvan arasında sülh müqaviləsinin hazırlanması baxımından ən yüksək səviyyədə məlum 2020-2022-ci illərdə imzalanmış üçtərəfli sazişlərə uyğun olaraq danışıqlar yolu üzərində işin intensivləşdirilməsi razılaşdırılıb".