Son Xəbər: Xankəndidə yaşıllıqları qanunsuz kəsənlər cərimələnib, Prezident İlham Əliyevin Türkmənistana işgüzar səfəri başa çatıb, Məktəblərdə geyim formalarına dair monitorinqlər təşkil ediləcək, Sərdar Berdiməhəmmədov: Xəzərin ekoloji vəziyyətinin yaxşılaşdırılması Türkmənistan üçün prioritetdir, Milli Məclisin növbəti plenar iclasında 13 məsələ müzakirə ediləcək, Azərbaycanda şənbə günü yağış yağacaq, şimşək çaxacaq, MDB-də Azərbaycan dövrü - Bakı bölgənin prioritetlərini müəyyənləşdirir, Lukaşenko Azərbaycanın MDB-yə sədrlik etmək qərarını tarixi an adlandırıb, Prezident: Azərbaycan-Türkmənistan münasibətləri strateji tərəfdaşlıq xarakteri daşıyır, Bakının Günəşli qəsəbəsində avtomobillərin hərəkəti məhdudlaşdırılacaq,

İmran Xan islami nikah qaydalarını pozmaqda ittiham edilib

Tarix: 22-09-2023, 16:05

Fırıldaqçılıqda ittiham olunaraq üç il həbs cəzası çəkən Pakistanın keçmiş baş naziri və “Ədalət Hərəkatı” müxalifət partiyasının lideri İmran Xan sentyabrın 25-də üçüncü arvadı Büşra Bibi ilə evləndiyi zaman İslam normalarını pozduğu iddiası ilə məhkəmə qarşısına çıxmalıdır.

Büşra Bibi özü də məhkəmə qarşısına çıxmalıdır. Məhkəmə iclasında İ.Xanın üçüncü arvadı ilə evlənməsi, müsəlman qadının ərinin ölümündən və ya boşandıqdan sonra o, yeni nikaha girənə qədər davam edən və İslam qanunları ilə müəyyən edilmiş məcburi subaylıq müddəti olan “iddə”ni pozmaqda ittiham ediləcəyi gözlənilir. Büşra Bibi ilk əri, gömrük məmuru Xavər Manekadan 30 illik evliliyindən sonra 2018-ci ildə boşanıb. O, 2018-ci ilin avqustunda hökumət başçısı seçilməzdən yarım il əvvəl İmran Xanla evlənib. Əvvəlki evliliyindən üç yetkin qızı və iki oğlu var.

Xatırladaq ki, 70 yaşlı İmran Xanın “qeyri-islam nikahı” ilə bağlı yeni məhkəmə prosesi siyasətçiyə qarşı küfrdən tutmuş terrorizmə qədər 150 müxtəlif ittihamla qaldırılan cinayət işlərinin uzun siyahısında növbəti cinayət işi olacaq.

Mənbə: TASS