Son Xəbər: Türkiyə ordusuna bənzər orduların yaradılmasına kömək xahiş olunur - Nazir, Külək güclənəcək, yağış yağacaq - Xəbərdarlıq, Putin Paşinyanla görüşəcək, Azərbaycanla Ermənistan arasında 40 sərhəd dirəyi quraşdırılıb, Azərbaycan və Slovakiya strateji tərəfdaşlıq haqqında Bəyannamə imzalayacaq, Qəzada ölən qadın yenicə direktor vəzifəsindən azad edilibmiş - Foto, ACF-nin idman direktoru: Hazırkı yeniyetmə cüdoçuların itib-batmasını istəmirik, Ağdərədə sümük fraqmentləri aşkarlanıb, Zərərçəkmiş şəxsin razılığı olmadan onun foto və ya videosunu mediaya təqdim edənlər cəzalandırılacaq, Qazaxın Xeyrimli kəndində erməni istehkamçı minaya düşüb,

Türkiyəli nazir: “Azərbaycan Zəngəzur dəhlizi istiqamətində işləri sürətlə davam etdirir”

Tarix: 28-10-2023, 10:34

Azərbaycan tərəfindən Zəngəzur dəhlizinin reallaşması istiqamətində işlər sürətlə davam edir.

Bunu Türkiyənin nəqliyyat və infrastruktur naziri Abdulkadir Uraloğlu deyib.

“Şərq-qərb istiqamətində kommersiya potensialını artırmaq üçün Zəngəzur dəhlizini həyata keçirməyə çalışırıq. Azərbaycan tərəfindən bu istiqamətdə işlər sürətlə davam edir. Naxçıvan Muxtar Respublikası istiqamətində də işlər görülür. Biz də Dilucu, İğdır və Qars arasında da bu ilin sonunda və ya gələn ilin əvvəlində bu istiqamətdə işə başlamağı düşünürük”, - Abdulkadir Uraloğlu vurğulayıb.

Nazir qeyd edib ki, dəhliz ta Ermənistandan, ya da İrandan keçməklə reallaşacaq. Türkiyə bu alternativləri nəzərdən keçirir.

Abdulkadir Uraloğlu daha əvvəl bildirib ki, Türkiyə ilə Azərbaycan arasında birbaşa dəmir yolu və avtomobil nəqliyyatını təmin edəcək Zəngəzur dəhlizi layihəsinin həyata keçirilməsinin bütün Orta Dəhliz ölkələri üçün mühüm addım olacağına inanır.

Türkiyənin nəqliyyat və infrastruktur nazirinin sözlərinə görə, bu çərçivədə həyata keçiriləcək Qars-Naxçıvan dəmir yolu layihəsi bütün Avropanı Naxçıvan üzərindən İran, Azərbaycan, Türkmənistan və Pakistanla birləşdirəcək.