Son Xəbər: UEFA Konfrans Liqası: "Qarabağ"la oyun üçün Bakıya "Tvente"nin 150-dək azarkeşi gələcək, Bakıda 36, rayonlarda 40 dərəcəyədək isti gözlənilir, Göyçaya qonaq gələn şəxsi elektrik cərəyanı vuraraq öldürüb, Rusiyadan Ermənistana Azərbaycandan tranzit keçməklə propan göndərilib, Azərbaycan Prezidenti: Ukrayna xalqına bundan sonra da humanitar dəstək göstərməyə davam edəcəyik, Ali məktəblərin magistraturasına boş qalan plan yerlərinə qəbul elan edilib, Rusiya Odessada "Yujnı" limanını və yarımstansiyanı vurub, Bərdədə avtoqəzada 49 yaşlı kişi ölüb, Ukrayna qüvvələri Krasnodarda neftdaşıma kompleksinin rezervuarlarını vurub, Rusiya Zaporojyeyə yeddi zərbə endirib, 3 nəfər ölüb,

Yəhudilər Ərdoğandan yardım istədi: Unikal mövqedəsiniz!

Tarix: 17-11-2023, 21:28

7 oktyabrdan bəri HƏMAS tərəfindən girovluqda saxlanılan israillilərin ailələri Türkiyə Prezidenti Rəcəb Tayyib Ərdoğandan yardım istəyib.

İsraildəki “Girovlar və İtkin Ailələri Forumu” məktubu açıq şəkildə dərc edib.

Məktubda Türkiyə liderinin beynəlxalq aləmdə böyük nüfuza sahib siyasətçilərdən olduğu xüsusi vurğulanır:

“Bizlər dərin kədər və iztiraba səbəb olan bu böhrana müdaxilə etməniz üçün sizin yardımınızı istəyirik. Qaçırılmalarından bəri ailə üzvlərimizlə əlaqə yarada bilməmişik. Bizə kömək etmək üçün unikal bir mövqedə olduğunuza inanırıq.

Yaxın Şərqdə, müsəlman dünyasında və onun hüdudlarından kənarda geniş nüfuza malik böyük dövlətlərindən birinin lideri olaraq, sizin bizə kömək etmək üçün unikal bir mövqedə olduğunuza inanırıq.

Bu səbəbdən girovların səhhəti ilə bağlı məlumat almaq, lazımi tibbi ehtiyacları gecikdirmədən təmin etmək və dərhal sərbəst buraxılmalarını təmin etmək üçün sizə çağırış edirik”.(TRT)

Qeyd edək ki, HƏMAS-ın hərbi qanadı İzzəddin Əl-Qəssam Briqadasının 200-dən çox israillini girov saxladığı bildirilir.