Son Xəbər: Nazirliyin əsasnaməsində dəyişiklik edildi, Prezidentdən Əsgər Rəsulovla bağlı sərəncam, Ceyhun Bayramov onunla da görüşdü, Qazinin çənəsini sındıran idmançı həbs edilmədi - QƏRAR, İrəvanda silahlı hücum - 2 nəfər yaralandı, Xankəndidə silah-sursat aşkarlandı, Neftimizin qiyməti 90 dollara yaxınlaşır, Təhsil insan ömrünü uzadırmış - ARAŞDIRMA, Qod Nisanova "Dostluq" ordeni təqdim edildi, Azərbaycanla bu ölkə arasında viza rejimi ləğv edildi,

Türkiyədən alınan "Akıncı"lar Azərbaycana gətirildi - PUA nələrə qadirdir....

Türkiyədən alınan "Akıncı"lar Azərbaycana gətirildi - PUA nələrə qadirdir....

Tarix: 9-02-2024, 13:17

Azərbaycan Türkiyənin "Baykar" şirkəti tərəfindən istehsal edilən "Akıncı" zərbə tipli pilotsuz uçuş aparatları (PUA) alıb.

Fevralın 9-da Azərbaycan Prezidenti, Silahlı Qüvvələrin Ali Baş Komandanı İlham Əliyev və oğlu Heydər Əliyev Hərbi Hava Qüvvələrinin hərbi obyektlərində olublar və silahlanmaya yeni qəbul edilən “Akıncı” hücum PUA-larının uçuşunu izləyiblər.

Qeyd edək ki, “Akıncı” daxili yükü 450 kq və xarici yükü 900 kq olmaqla, 1350 kq ümumi yükdaşıma qabiliyyətinə malikdir. Hər biri 450 at gücündə (340 kVt) iki turbovintli mühərriklə işləyən PUA-nın maksimal havaya qalxma kütləsi 5.5 tondur.

Bükülü qanad quruluşu ilə 20 metr qanad genişliyinə sahib olan təyyarə platforması, eyni zamanda tam avtomatik uçuş nəzarəti və 3 ehtiyat avtopilot sistemi sayəsində yüksək uçuş təhlükəsizliyi təmin edir. Faydalı yük tutumu sayəsində daşıyacağı milli sursatlarla əməliyyatlar icra edə biləcək “Akıncı” qanadlı raketlər atmaq qabiliyyətinə də malikdir.

“Akıncı” taktiki PUA TÜBİTAK SAGE və “Roketsan” tərəfindən istehsal olunan milli sursatlardan MAM-T, MAM-L, MAM-C, “Sungur” “Cirit”, L-UMTAS, “Bozok”, MK-81, MK-82, MK-83, “Wing Guide Kit” (KGK) -MK-82, “Gökdoğan”, “Bozdoğan”, NEB, SOM raketlərindən istifadə edə bilir. F-16 döyüş təyyarələrinin icra etdiyi bəzi tapşırıqları da yerinə yetirəcək “Bayraktar Akıncı” burun hissəsində yerləşən ASLESAN istehsalı olan AESA radarı sayəsində yüksək vəziyyət sezmə bacarığına malikdir.

“Akıncı” “Roketsan” şirkətinin yeni hazırladığı səsdən sürətli TRG-230-İHA “hava-yer” tipli raketi ilə də silahlandırıla bilər. TRG-230-İHA “Roketsan”ın “yer-yer” tipli TRG-230 raketinin PUA-dan atılması üçün nəzərdə tutulmuş versiyasıdır.

"Akıncı" Türkiyə ordusu tərəfindən aktiv istifadə edilir.




RƏYLƏR


REKLAM

XƏBƏR LENTİ

POPULYAR XƏBƏRLƏR