Son Xəbər: Paşinyan: Ermənistan sabah TRIPP layihəsinin başlanmasını elan edəcək, İlham Əliyev: Vyetnama 2020-ci ilin Vətən müharibəsi dövründə verdiyi dəstəyə görə minnətdarıq, Bazar günü hava 18 dərəcə isti olacaq, İrandan qaçaqmalçılıq yolu ilə gətirilən güclü təsiredici dərmanlar aptekdə satılıb, saxlanılanlar var, İlham Əliyev: Vyetnamın müstəqillik mübarizəsi Azərbaycan xalqı tərəfindən həmişə dəstəklənib, Seul yaxınlığında yük qatarı relsdən çıxıb, Sumqayıtda yol çöküb, Azərbaycan və NATO logistik imkanlarından birgə istifadə mexanizmlərini müzakirə edib, İlham Əliyev və To Lam Birgə Bəyanat qəbul ediblər, Azərbaycan-Vyetnam sənədləri mübadilə olunub, Taksi sürücüsü olmaq istəyənlər üçün dekabrın 17-də keçiriləcək imtahana qeydiyyat başlayıb,

Brüsseldə üçtərəfli görüş: Qərb Ermənistanı silahlandırmağı sürətləndirir

Brüsseldə üçtərəfli görüş: Qərb Ermənistanı silahlandırmağı sürətləndirir

Tarix: 28-03-2024, 10:38

 

ABŞ dövlət katibi Entoni Blinken gələn həftə Avropaya yola düşəcək.

Bu barədə dövlət katibinin enerji resursları üzrə köməkçisi Cefri Payett məlumat verib. Səfərin dəqiq məqsədi və tarixi açıqlanmayıb.

Səfər çərçivəsində Blinken Brüsseldə Ermənistan Baş naziri Nikol Paşinyanla görüşəcək. Aprelin 5-də baş tutacaq görüşdə Avropa Komissiyasının sədri Ursula von der Leyen də iştirak edəcək.

ABŞ Dövlət Departamentinin sözçüsü Metyu Miller üçtərəfli görüşdə Ermənistan-Azərbaycan məsələlərinin müzakirə olunacağını istisna etmir. ABŞ rəsmisinin sözlərinə görə, bu məsələ iclasın əsas gündəliyində deyil.

“Brüssel görüşü Ermənistanın iqtisadi dayanıqlığına diqqət yetirməlidir”, - deyə Miller vurğulayıb. O, ABŞ-ın ticarət əlaqələrini şaxələndirməyə və humanitar ehtiyacları həll etməyə çalışdığını vurğulayıb

Bir neçə gün əvvəl Ermənistan Təhlükəsizlik Şurasının katibi Armen Qriqoryan “Armenpress”ə müsahibəsində bildirib ki, həmin görüşdə Ermənistanın inkişafına töhfə verəcək üçtərəfli əməkdaşlıq yolları müzakirə olunacaq. “Ermənistanın inkişafına töhfə verəcək üçtərəfli əməkdaşlığın yollarını müzakirə etmək üçün bu il aprelin 5-də Brüsseldə sədr fon der Leyen, baş nazir Paşinyan və dövlət katibi Blinken arasında görüş planlaşdırılır. Tədbir həmçinin Ermənistanın davamlılığını artırmaq məqsədi daşıyır. Yaxın vaxtlarda bu barədə daha ətraflı danışmaq mümkün olacaq”, - Qriqoryan deyib.

Azərbaycan Xarici İşlər Nazirliyi bildirib ki, aprelin 5-də keçiriləcək toplantının hərbi komponentləri nəzərdə tutduğuna dair məlumatlar əlavə narahatlıq doğurur və regionda sülh quruculuğu səylərinə xələl gətirir. 

"Maraqlıdır ki, Azərbaycan 30 ilə yaxın silahlı təcavüzün, işğalın və etnik təmizləmənin qurbanı olduğu halda və hətta BMT Təhlükəsizlik Şurasının Ermənistanın işğalçı qüvvələrinin dərhal, tam və qeyd-şərtsiz çıxarılmasını tələb edən 4 qətnaməsinə baxmayaraq, heç zaman Aİ və ABŞ-dan bu formada qeyd-şərtsiz dəstək almayıb", - açıqlamada deyilir.

Xatırladaq ki, bir neçə gün əvvəl Amerikanın nüfuzlu "RAND" analitik platformasında "ABŞ Azərbaycanın təhdidlərinə baxmayaraq Ermənistanın təhlükəsizliyinə təminat verə bilməz, amma kömək edə bilər" başlıqlı məqalə dərc olunub. Müəlliflər Ermənistan və Azərbaycan arasında geosiyasi vəziyyət təhlil edilir.

Məqalədə Ermənistan üçün “kirpi strategiyası” təklif edilir. Müəlliflər ABŞ administrasiyasına Ermənistana xüsusi hərbi yardım, o cümlədən qısa mənzilli hava hücumundan müdafiə sistemləri və antidron texnologiyası verməyi tövsiyə edirlər. Bundan əlavə, məqalədə Ermənistanın təhlükəsizlik aparatında institusional bacarıqların yaradılmasının və qeyri-qanuni texnologiya transferlərinin qarşısını almaq üçün Qərbin ixrac nəzarətinə riayət edilməsinin vacibliyi müzakirə olunur. 




RƏYLƏR


REKLAM

XƏBƏR LENTİ

POPULYAR XƏBƏRLƏR