Son Xəbər: Aeroport yolunda 3 maşın toqquşub, xəsarət alan var, Emin Ağalarovun Moskvadakı restoranları bağlanıb, Tramp ABŞ-da ukraynalı qadının qatilinə ölüm cəzası tələb edib, Bakı, Sumqayıt və Abşeron üzrə sentyabr ayının pensiyaları ödənilib, Baş katib Putinə xəbərdarlıq edib: NATO ərazisinin hər qarışını qoruyacağıq, Prezident Bakıda açılışda - Fotolar, Ceyhun Bayramov ABŞ Dövlət Departamentinin Avropa və Avrasiya məsələləri üzrə Bürosunun baş rəsmisi ilə görüşüb, Misirin yeni səfiri etimadnaməsinin surətini Ceyhun Bayramova təqdim edib, Küləkli hava şəraiti ilə bağlı sarı və narıncı xəbərdarlıq verilib, Nepal Prezidenti istefa verib - YENİLƏNİB,

Rəqsanənin mülklərinə həbs qoyulub - Külli miqdarda borcu var

Tarix: 18-04-2024, 15:05

Hazırda Rusiyada yaşayan müğənni Rəqsanə İsmayılovanın Azərbaycandakı mülklərinə həbs qoyulub.

Bu barədə “Qaynarinfo”ya məlumat daxil olub

Belə ki, müğənninin külli miqdarda borcu var. Həmin borcla bağlı qərar qəbul olunsa da, R. İsmayılova qərarı icra etməyib.

Bu səbəbdən icra məmuru tərəfindən Nəsimi Rayon Məhkəməsinə müraciət edilib. Məhkəmənin qərarı ilə Rəqsanə İsmayılovanın Goranboy rayonunda və digər yerlərdə yerləşən 100 sotdan artıq torpağına və onun üzərindəki əmlaka həbs qoyulub.

R. İsmayılova qərardan Bakı Apellyasiya Məhkəməsinə şikayət verib. İşə hakim Elşən Kazımovun sədrliyi ilə baxılacaq.

Məsələ ilə bağlı R. İsmayılova açıqlamasında xəbəri əvvəlcə təkzib etsə də, sonradan təsdiqləyib. Müğənni bu barədə geniş danışmaq istəmədiyini bildirib: “Köhnə söhbətdir və məsələ ilə bağlı Bakı Apellyasiya Məhkəməsinə müraciət etmişik”.