Son Xəbər: Paşinyan: Ermənistan sabah TRIPP layihəsinin başlanmasını elan edəcək, İlham Əliyev: Vyetnama 2020-ci ilin Vətən müharibəsi dövründə verdiyi dəstəyə görə minnətdarıq, Bazar günü hava 18 dərəcə isti olacaq, İrandan qaçaqmalçılıq yolu ilə gətirilən güclü təsiredici dərmanlar aptekdə satılıb, saxlanılanlar var, İlham Əliyev: Vyetnamın müstəqillik mübarizəsi Azərbaycan xalqı tərəfindən həmişə dəstəklənib, Seul yaxınlığında yük qatarı relsdən çıxıb, Sumqayıtda yol çöküb, Azərbaycan və NATO logistik imkanlarından birgə istifadə mexanizmlərini müzakirə edib, İlham Əliyev və To Lam Birgə Bəyanat qəbul ediblər, Azərbaycan-Vyetnam sənədləri mübadilə olunub, Taksi sürücüsü olmaq istəyənlər üçün dekabrın 17-də keçiriləcək imtahana qeydiyyat başlayıb,

Zelenski Baydenlə Ukraynaya hərbi yardımı müzakirə edib

Zelenski Baydenlə Ukraynaya hərbi yardımı müzakirə edib

Tarix: 22-04-2024, 22:25

ABŞ Prezidenti Cozef Bayden ukraynalı həmkarı Volodimir Zelenskini əmin edib ki, ABŞ-nin hərbi yardım haqqında qanun layihəsi senatda da təsdiqlənərsə, onu dərhal imzalayacaq.

Bu barədə Ukrayna lideri Volodimir Zelenski teleqramda bildirib.

“ABŞ Prezidenti Cozef Baydenlə Nümayəndələr Palatasındakı səsvermənin nəticələrini müzakirə etdim. Prezident əmin etdi ki, Senat tərəfindən təsdiqlənərsə, o, qanunu dərhal imzalayacaq. Mən Co Baydenə Ukraynaya və əsl qlobal liderliyə göstərdiyi azalmayan dəstəyə görə minnətdaram”, – Zelenski söyləyib.

Dövlət başçısı deyib ki, o, qanun layihəsinə ikipartiyalı dəstəyi və spiker Mayk Conson və azlıqların lideri Hakim Ceffrisin şəxsi rollarını da qeyd edib.

Zelenski Baydenlə danışığında Xarkovdakı teleqülləyə endirilmiş zərbədən də bəhs edib.

“Həmçinin ikitərəfli təhlükəsizlik razılaşmasının imzalanması və qarşıdan gələn Sülh Sammitinə hazırlıq məsələlərini də müzakirə etdik”, – Ukraynanın dövlət başçısı əlavə edib.

Xatırladaq ki, ABŞ Konqresinin Nümayəndələr Palatası Ukraynaya yardım üçün 61 milyard dolların ayrılmasını təsdiqləyib. Daha sonra qanun layihəsi əksəriyyətin Ukraynaya yardımı dəstəklədiyi Senata ötürüləcək.




RƏYLƏR


REKLAM

XƏBƏR LENTİ

POPULYAR XƏBƏRLƏR