Son Xəbər: Prezident müddətli həqiqi hərbi xidmətə çağırışla bağlı sərəncam imzalayıb, Baş nazirdən yeni qərar: Bu tələbələrə ödəniş EDİLƏCƏK, Qərbi Azərbaycana Qayıdış üzrə Təşəbbüs Qrupu Bəyanat yaydı, Müdafiə naziri: Ali Baş Komandanın Ordumuzun gücünü bir daha qeyd etməsi istənilən təxribatlara qarşı məsuliyyətimizi artırır, Tramp Rusiya-Ukrayna münaqişəsi üzrə xüsusi elçisinin adını açıqladı, Belçika səfirliyi: “COP29-da inanılmaz əməkdaşlığa şahid olduq” – FOTO, Azərbaycanda zəlzələ olub, İranda elmi işini hicabsız müdafiə edən xanım bir il azadlıqdan məhrum edilib, UEFA-dan azərbaycanlı mütəxəssisə növbəti TƏYİNAT, Pulsuz ictimai nəqliyyat xidməti bu tarixdə başa çatır,

Mustafa Abbasbəylinin yeni vəzifəyə təyin olunması ilə bağlı RƏSMİ AÇIQLAMA

Tarix: 29-05-2024, 11:36

Əmək və Əhalinin Sosial Müdafiəsi Nazirliyi tabeliyində Dövlət Məşğulluq Agentliyinin İdarə Heyətinin sədri Mustafa Abbasbəyli vəzifəsindən ayrılıb.

Bununla bağlı məlumatı Bizim.Media-ya Əmək və Əhalinin Sosial Müdafiəsi Nazirliyinin mətbuat katibi Fazil Talıbov təsdiqləyib:

“Dövlət Məşğulluq Agentliyinin İdarə Heyətinin sədri Mustafa Abbasbəyli başqa işə keçməsi ilə əlaqədar işdən azad edilib”, - deyə qurum rəsmisi bildirib.

Məlumata görə Mustafa Abbasbəyli bundan sonra fəaliyyətini Mədəniyyət Nazirliyi Aparatının rəhbəri kimi davam etdirəcək. Bununla bağlı nazir Adil Kərimlinin əmr imzaladığı bildirilir.

Mədəniyyət Nazirliyinin mətbuat katbi Aynur Kərimova isə Mustafa Abbasbəylinin qurumun aparat rəhbəri vəzifəsinə təyin olunması məsələsinə belə cavab verib:

“Mustafa Abbasbəyli barədə rəsmi əmr imzalanmayıb. Əmr imzalanandan sonra bu barədə ictimaiyyətə məlumat veriləcək”.

Xatırladaq ki, Mustafa Abbasbəyli 2020-ci il iyulun 2-dən etibarən Əmək və Əhalinin Sosial Müdafiəsi Nazirliyi tabeliyində Dövlət Məşğulluq Agentliyinin İdarə Heyətinin sədri vəzifəsində çalışırdı.

Qeyd edək ki, məlumatı ilk olaraq Bakupost.az saytı yayıb.