Məşhur aktyor səhnədə yıxıldı - Xəstəxanalıq oldu

Tarix: 18-06-2024, 15:46

Britaniyalı aktyor İan MakKellen xəstəxanaya yerləşdirilib.

Aktyor Londonun mərkəzi teatrında tamaşa zamanı səhnədən yıxıldıqdan sonra xəstəxanaya aparılıb.

Hadisə şahidlərinin telekanala verdiyi məlumata görə, 85 yaşlı sənətçi böyük hündürlükdən tamaşa zalına yıxılıb.

Aktyoru zaldan xərəklə aparıblar. Tamaşaçılardan teatrın binasını tərk etmələri istənilib və biletlərin pulunu qaytaracaqlarına söz verilib.

Qeyd edək ki, aktyor “X adamlar” film seriyasındakı mutant Maqneto rolu, eləcə də “Üzüklərin əfəndisi”və “Hobbit” film trilogiyalarında sehrbaz Qandalf rolu ilə sevilib.

Britaniya mətbuatı onu Britaniya teatr səhnəsinin aparıcı aktyorlarından biri və Şekspir repertuarının ustası adlandırır. O, həyatı boyu 70-dən çox teatr tamaşasında və 60 filmdə rol alıb.