Son Xəbər: KİV: Suriya üsyançıları İsrail sərhədi yaxınlığındakı Quneytra şəhərini nəzarətə götürüblər, Fuat Oktay: Türkiyə Suriyada terror dövləti qurulmasına icazə verməyəcək, İran həmin xəbərləri təkzib etdi, Tramp da Fransaya getdi, Ərşad Salehi türk dövlətlərini İraqda səfirlik açmağa çağırıb, Konfransımızın bu gün keçirilməsi təsadüfi deyil - Spiker, “S&P” Azərbaycanın 2024-cü il üçün ÜDM-də artım proqnozunu yaxşılaşdırıb, Zığ dairəsi-Hava Limanı yolunda sürət həddi endirilib, "Qarabağ" bu gün "Sabah"la, "Araz-Naxçıvan" "Səbail"lə üz-üzə gələcək, İsrail daha bir HAMAS komandirini zərərsizləşdirib,

Bakıda Beynəlxalq Sığorta Forumu keçirilir

Bakıda Beynəlxalq Sığorta Forumu keçirilir

Tarix: 20-06-2024, 10:28

Bu gün Bakıda sayca 10-cu Azərbaycan Beynəlxalq Sığorta Forumu ("Azerbaijan International Insurance Forum" - AIIF-2024) işə başlayıb.

Sabah başa çatacaq tədbirin təşkilatçısı - "Azərbaycan Sığortaçılar Assosiasiyası" (ASA) İctimai Birliyidir.

Foruma Azərbaycan Mərkəzi Bankı və İcbari Sığorta Bürosu dəstək verir. Tədbirdə AMB-nin sədri Taleh Kazımov, kənd təsərrüfatı naziri Məcnun Məmmədov, İcbari Tibbi Sığorta üzrə Dövlət Agentliyinin sədri Zaur Əliyev və digər dövlət rəsmiləri iştirak edir.

Forumda avtonəqliyyat və sağlamlıq sığortaları, habelə iqlim risklərinin idarə edilməsində sığortanın rolu kimi lokal və qlobal sığorta bazarları üçün aktual olan mövzular ətrafında panel müzakirələri aparılacaq.

Xatırladaq ki, sonuncu dəfə Bakıda bu cür tədbir 2019-cu ildə - koronavirus (COVID-19) pandemiyasından əvvəl keçirilib. Ötən ilin noyabr ayında ASA-nın İcraçı direktoru Elmar Mirsalayev Türkiyənin Antalya şəhərində keçirilən "Beynəlxalq Sığorta Sərgisi və Konqresi" çərçivəsində nüfuzlu beynəlxalq forum təşkilatçısı olan "Xprimm" şirkətinin rəsmisi Georgiana Oprea ilə görüşüb. Görüşdə ölkəmizdə keçirilən sığorta forumunun bərpası ilə bağlı müzakirələr aparılıb.




RƏYLƏR


REKLAM
XƏBƏR LENTİ
POPULYAR XƏBƏRLƏR