Son Xəbər: ABŞ-dan İrana növbəti xəbərdarlıq: İsrailə hücum etsə..., Müdafiə Nazirliyi toplanışlarla bağlı məlumat yaydı, Aktyor və arvadının ölümü ilə bağlı cinayət işi açıldı, Prezident: Biz artıq Qlobal Cənub və Qlobal Şimal arasında iqlim üzrə əməkdaşlığa töhfə veririk, Ərdoğan rus dilində təşəkkür etdi, Bu rayonun da hərbi komissarı saxlanıldı, İlham Əliyevin Paşinyanla görüşü başladı, İlham Əliyev BRİCS Sammitinin ilk plenar iclasında - Fotolar, Yasamalda dəhşət: Kranlar aşdı, Ankarada əməliyyat: 12 nəfər saxlanıldı,

Zolağa girənlərin nömrəsi avtobusdan çəkiləcək - Rəsmi

Tarix: 9-07-2024, 19:48

Paytaxtın avtobus zolaqlarına qanunsuz daxil olan avtomobillər ictimai nəqliyyatın fasiləsiz hərəkətində ləngimələr, süni tıxaclar, maneələr yaradır.

Bu barədə Daxili İşlər Nazirliyinin Mətbuat Xidməti məlumat yayıb.

Məlumata görə, şəhər sakinlərini narahat edən bu halların qarşısının alınması istiqamətində Daxili İşlər Nazirliyi tərəfindən tədbirlər görülür.

Xüsusilə, avtobuslarda zolağa qanunsuz daxil olan avtomobillərə qarşı qanuni tədbirlər görülməsi üçün texniki avadanlıqlar tətbiq olunacaqdır. Daxili İşlər, Rəqəmsal İnkişaf və Nəqliyyat nazirlikləri birgə avtobuslarda pilot qaydasında müşahidə və nömrətanıma sistemləri quraşdırır.

Bununla yanaşı, DİN tərəfindən seçilmiş stasionar nöqtələr müvafiq avadanlıqlarla təchiz edilir. Yeni sistemin qurulmasında məqsəd şəhər sakinlərinin ictimai nəqliyyatda fasiləsiz hərəkətini təmin etməkdir.