Son Xəbər: Bu mərkəzi küçədə hərəkət qismən məhdudlaşdırılacaq, Sahibə Qafarova Türkiyəni təbrik etdi, Şahin Bağırov rəisi işdən çıxardı, Şüvəlanda yeni ictimai çimərliklər yaradıldı, Ermənistanda sərhədyanı yolun yenidənqurulması məqsədilə partlayış həyata keçiriləcək, Kürdəmirdə avtomobil qəzaya uğrayıb, sürücü ölüb, Rusiyanın MDB-də nümayəndəsi: Ermənistan və Azərbaycan Birliyin işində iştirakda maraqlı tərəflərdir, İsrail ordusu Yəməndə yüksək rütbəli husilərin olduğu hərbi obyektə hücumu təsdiqləyib, Ukrayna lideri: Trampın Rusiya üçün müəyyən etdiyi son tarix sentyabrın 1-i başa çatır, İlham Əliyevdən “Qarabağ”la bağlı - Sərəncam,

Banqladeşin istefa verən Baş naziri Böyük Britaniyadan sığınacaq istəyib - YENİLƏNİB

Banqladeşin istefa verən Baş naziri Böyük Britaniyadan sığınacaq istəyib - YENİLƏNİB

Tarix: 5-08-2024, 17:01

Banqladeşin istefa verən Baş naziri Şeyx Hasina Böyük Britaniyadan sığınacaq istəyib.

Bu barədə xarici KİV məlumat yayıb.

Bildirilib ki, Şeyx Hasina Böyük Britaniya vətəndaşlığı olan bacısı ilə Hindistandadır.

13:47

Banqladeşin Baş naziri Şeyx Hasina istefa verib.

Bu barədə xarici KİV məlumat yayıb.

Onun ölkəni tərk edərək Finlandiyaya gedə biləcəyi bildirilir.

Daha əvvəl “France Presse” agentliyi Baş nazirə yaxın mənbəyə istinadən onun və bacısının iğtişaşlar fonunda paytaxt Dəkkədəki rəsmi iqamətgahı tərk edərək daha təhlükəsiz yerə getdiklərini xəbər vermişdi.

“Baş nazir və bacısı daha təhlükəsiz yer tapmaq üçün Qanabhaban Sarayını tərk edib. O, müraciət hazırlamaq istəyib, lakin buna imkanı olmayıb”, - agentlik mənbədən sitat gətirib.

Bu arada, agentliyin məlumatına görə, Baş nazirin ABŞ-da olan oğlu sosial şəbəkələrdə ölkənin təhlükəsizlik qüvvələrini seçilməmiş hökumətin hakimiyyətə gəlməsinə imkan verməməyə çağırıb.

Ayrı-seçkiliyə Qarşı Tələbə Hərəkatının bazar günü başladılan hakimiyyətlə çoxgünlük “əməkdaşlıq etməmə aksiyası”nın elanından sonra ölkə daxilində etirazlar və nümayişlər başlayıb. Hökumət əleyhdarı tələbələr, polis və hökumət tərəfdarları arasında toqquşmalar iğtişaşlara çevrilib.

Xatırladaq ki, Banqladeşin paytaxtı Dəkkədə və ölkənin digər şəhərlərində etirazlar ayrı-seçkiliyə qarşı tələbə hərəkatının bazar günü başladığı aksiyadan sonra daha da kütləvi xarakter alıb. Etirazçılar, polis qüvvələri və hökumət tərəfdarları arasında toqquşmalar daha sonra iğtişaşlara çevrilib.

Son məlumatlara görə, iğtişaşlar nəticəsində azı 300 nəfər ölüb.




RƏYLƏR


REKLAM

XƏBƏR LENTİ

POPULYAR XƏBƏRLƏR