Son Xəbər: Azər Məmmədov Qobustanda vətəndaşları qəbul edəcək, "Global Media Group"un altı əməkdaşı MEDİA-nın müsabiqəsində qalib gəlib, AZAL Brüsselə birbaşa uçuşlara başlayır - YENİLƏNİB, Azərbaycanın Türkiyədəki səfirliyinə yeni təhsil müşaviri təyin olunub, Ukrayna qüvvələri Donetsk və Mariupol arasındakı strateji körpünü sıradan çıxarıb, Nazir: "Azərbaycan Avropa ilə Asiyanı birləşdirən strateji körpü rolunu gücləndirib", Bakıda boks üzrə İBA Çempionlar Gecəsi keçiriləcək, Leyla Əliyeva Şəkidə Uşaq evi sosial xidmət müəssisəsinin sakinləri ilə görüşüb, Azərbaycan neftinin qiyməti 76 dollardan aşağı düşüb, BİZİM TƏQVİM: 1 iyul tarixində baş vermiş tarixi hadisələr,

Polad Bülbüloğlu səlahiyyətlərinin icrasını DAYANDIRDI

Tarix: 9-08-2024, 11:28

Növbədənkənar parlament seçkilərində deputatlığa namizəd olan Azərbaycan Respublikasının Rusiya Federasiyasındakı səfiri Polad Bülbüloğlu səlahiyyətlərinin icrasını müvəqqəti dayandırıb.

Polad Bülbüloğlu, seçkiqabağı təşviqatda iştirak etmək üçün Azərbaycana gəlib.

Azərbaycan Respublikası Xarici İşlər Nazirliyinin (XİN) mətbuat katibi Ayxan Hacızadə saytımıza açıqlamasında məlumatı təsdiq edib.

"Səfir qanunvericiliyə əsasən ödənişsiz məzuniyyətdədir. Səfirlikdə müvəqqəti işlər vəkili var",- o deyib.

Qeyd edək ki, Polad Bülbüloğlu 1945-ci ildə anadan olub. O, 1988-2006-cı illərdə Azərbaycanın mədəniyyət naziri olub. 2006-cı ildən Azərbaycanın Rusiyadakı fövqəladə və səlahiyyətli səfiridir.

O, 124 saylı Şuşa-Ağdam-Xocavənd seçki dairəsindən namizədliyini irəli sürüb. Qanunvericiliyin tələbinə görə, P.Bülbüloğlu deputat seçiləcəyi halda fövqəladə və səlahiyyətli səfir vəzifəsindən istefa verməlidir.