Son Xəbər: Paşinyan: Ermənistan sabah TRIPP layihəsinin başlanmasını elan edəcək, İlham Əliyev: Vyetnama 2020-ci ilin Vətən müharibəsi dövründə verdiyi dəstəyə görə minnətdarıq, Bazar günü hava 18 dərəcə isti olacaq, İrandan qaçaqmalçılıq yolu ilə gətirilən güclü təsiredici dərmanlar aptekdə satılıb, saxlanılanlar var, İlham Əliyev: Vyetnamın müstəqillik mübarizəsi Azərbaycan xalqı tərəfindən həmişə dəstəklənib, Seul yaxınlığında yük qatarı relsdən çıxıb, Sumqayıtda yol çöküb, Azərbaycan və NATO logistik imkanlarından birgə istifadə mexanizmlərini müzakirə edib, İlham Əliyev və To Lam Birgə Bəyanat qəbul ediblər, Azərbaycan-Vyetnam sənədləri mübadilə olunub, Taksi sürücüsü olmaq istəyənlər üçün dekabrın 17-də keçiriləcək imtahana qeydiyyat başlayıb,

Bakı xəbərdarlıq etmişdi, İrəvandan etiraf gəldi – “Risklə üz-üzəyik”

Bakı xəbərdarlıq etmişdi, İrəvandan etiraf gəldi – “Risklə üz-üzəyik”

Tarix: 31-08-2024, 15:38

Ermənistanın “Metsamor” atom elektrik stansiyası (AES) bir çox geosiyasi risklərlə üz-üzədir

Bunu erməni enerji təhlükəsizliyi üzrə ekspert Vahe Davtyan deyib.

Ekspert bildirib ki, AES-in qəzadan sonra elektrik enerjisi sistemindən ayrılması ölkədə gərgin müzakirələrə səbəb olub:

“Birincisi, mən özüm hər hansı bir sui-qəsdi istisna etmirəm. Digər yandan, ildırım vurması ilə bağlı rəsmi versiya da mümkündür. Beynəlxalq təcrübədə belə hadisələr çox olur. Demək olar, hər il Rusiya, ABŞ, Çin, Fransa, Yaponiya, Cənubi Koreya və sair ölkələrdə AES-lər ildırım vurması səbəbindən bağlanır. Belə hallarda ir qayda olaraq, obyektin fəaliyyətini bərpa etmək üçün bir neçə gün lazımdır.

AES-in konservasiyası bir anda baş vermir. Bu, vaxt aparan və bahalı bir prosesdir. Hesablamalara görə, Ermənistan AES-in konservasiyası 400-450 milyon ABŞ dollarına başa gələ bilər, amma işlənmiş nüvə yanacağının utilizasiyası olmadan. Qeyd edim ki, Almaniyada 17 AES-in konservasiyası və sökülməsi 18 milyard avro dəyərində qiymətləndirilib.

Əlbəttə, Ermənistanın AES-i bir çox geosiyasi risklərlə üz-üzədir. Bununla belə, aydın şəkildə dərk etmək lazımdır ki, AES mürəkkəb texnoloji obyektdir, onun konservasiyası bir düyməni basmaqla baş verməyəcək”.

Qeyd edək ki, dünən axşam saatlarında “Metsamor” AES-də qəzanın baş verməsi barədə məlumat yayılıb. Həmçinin İrəvanın AES-in yenilənməsi ilə bağlı ABŞ-la danışıqlar apardığı bildirilir. Hazırda obyektə tam nəzarət Rusiyadadır. Ermənistanın bu qərarı Moskva ilə gərginliyə səbəb olub.

Azərbaycan və Türkiyə dəfələrlə qəzalı və istifadəyə yararsız vəziyyətdə olan “Metsamor”un istismardan çıxarılması üçün həm İrəvan, həm də beynəlxalq təşkilatlar qarşısında məsələ qaldırıb.




RƏYLƏR


REKLAM

XƏBƏR LENTİ

POPULYAR XƏBƏRLƏR