Son Xəbər: Paşinyan: Ermənistan sabah TRIPP layihəsinin başlanmasını elan edəcək, İlham Əliyev: Vyetnama 2020-ci ilin Vətən müharibəsi dövründə verdiyi dəstəyə görə minnətdarıq, Bazar günü hava 18 dərəcə isti olacaq, İrandan qaçaqmalçılıq yolu ilə gətirilən güclü təsiredici dərmanlar aptekdə satılıb, saxlanılanlar var, İlham Əliyev: Vyetnamın müstəqillik mübarizəsi Azərbaycan xalqı tərəfindən həmişə dəstəklənib, Seul yaxınlığında yük qatarı relsdən çıxıb, Sumqayıtda yol çöküb, Azərbaycan və NATO logistik imkanlarından birgə istifadə mexanizmlərini müzakirə edib, İlham Əliyev və To Lam Birgə Bəyanat qəbul ediblər, Azərbaycan-Vyetnam sənədləri mübadilə olunub, Taksi sürücüsü olmaq istəyənlər üçün dekabrın 17-də keçiriləcək imtahana qeydiyyat başlayıb,

Elmar Məmmədyarov istefaya göndərilir? - İddialara cavab

Elmar Məmmədyarov istefaya göndərilir? - İddialara cavab

Tarix: 27-04-2020, 21:42

“Leyla Abdullayeva bu açıqlaması ilə Elmar Məmmədyarova qarşı hücumları sanki neytrallaşdırdı”.
Yenisabah.az xəbər verir ki, bu fikirləri Yeniscag.az-a açıqlamasında xarici işlər naziri Elmar Məmmədyarovun istefaya göndəriləcəyi haqda iddialara münasibət bildirən təhlükəsizlik eksperti İlham İsmayıl deyib.
İlham İsmayılın sözlərinə görə, cəmiyyətdə bununla bağlı gözləntilərin yaranmasının əsas səbəbi Elmar Məmmədyarovu tənqid edənlərin sırasına millət vəkillərinin də qoşulmasıdır:
“Bəzi millət vəkillərinin tənqidi çıxışları belə bir fon yaradır ki, yəqin Elmar Məmmədyarovun istefaya göndərilməsinə zəmin hazırlanır. Ancaq ölkənin telekanallarında xarici işlər naziri çox ciddi müdafiə olunursa, deməli, belə bir gözlənti üçün əsas yoxdur?
Yeri gəlmişkən Xarici İşlər Nazirliyinin sözcüsü Leyla Abdullayeva o gün çox yaxşı bir söz dedi. O, bildirdi ki, XİN rəhbəri dövlət başçısının müəyyənləşdirdiyi siyasəti həyata keçirir. Dövlət başçısı isə bu fəaliyyəti yüksək qiymətləndirir. Nazirlik sözcüsünün bu açıqlaması boşuna deyildi. Leyla Abdullayeva bununla Elmar Məmmədyarova qarşı hücumları sanki neytrallaşdırdı”.
Erməni mətbuatının bu məsələ ilə bağlı göstərdiyi canfəşanlığa gəldikdə isə İlham İsmayıl bunları deyib:
“Erməni mətbuatı Elmar Məmmədyarov “bombardıman edildiyini” və tezliklə istefaya göndəriləcəyi haqda fikirlərə geniş yer verir. Hətta erməni mətbuatında bütün diplomatik uğursuzluqların Elmar Məmmədyarovun ayağına yazılacağı iddia olunur. Yəni düşmən ölkənin mətbuatının bu məsələyə yanaşması belədir.
Amma nə yazılır, yazılsın, Elmar Məmmədyarovun istefası ən azı yaxın perspektiv üçün aktual deyil”.




RƏYLƏR


REKLAM

XƏBƏR LENTİ

POPULYAR XƏBƏRLƏR