Son Xəbər: Paşinyan: Ermənistan sabah TRIPP layihəsinin başlanmasını elan edəcək, İlham Əliyev: Vyetnama 2020-ci ilin Vətən müharibəsi dövründə verdiyi dəstəyə görə minnətdarıq, Bazar günü hava 18 dərəcə isti olacaq, İrandan qaçaqmalçılıq yolu ilə gətirilən güclü təsiredici dərmanlar aptekdə satılıb, saxlanılanlar var, İlham Əliyev: Vyetnamın müstəqillik mübarizəsi Azərbaycan xalqı tərəfindən həmişə dəstəklənib, Seul yaxınlığında yük qatarı relsdən çıxıb, Sumqayıtda yol çöküb, Azərbaycan və NATO logistik imkanlarından birgə istifadə mexanizmlərini müzakirə edib, İlham Əliyev və To Lam Birgə Bəyanat qəbul ediblər, Azərbaycan-Vyetnam sənədləri mübadilə olunub, Taksi sürücüsü olmaq istəyənlər üçün dekabrın 17-də keçiriləcək imtahana qeydiyyat başlayıb,

Mansur Yavaş CHP-dən gedir?

Mansur Yavaş CHP-dən gedir?

Tarix: 17-09-2024, 11:08

“Ankara Böyükşəhər Bələdiyyəsinin rəhbəri Mansur Yavaş rəsmi olmasa da, faktiki olaraq Cümhuriyyət Xalq Partiyası (CHP) ilə yollarını ayırıb”.

Bu barədə türkiyəli politoloq Zafer Şahin “Yavaş’ın CHP’ye vedası” adlı köşə yazısında bildirib.

Onun sözlərinə görə, M.Yavaşın sentyabrın 7-də CHP-nin Nizamnamə Qurultayında dediyi bir cümlə üstüörtülü vida mesajı olub: “Mən də rəhbərim Əkrəm İmamoğlu kimi sizin qarşınızda hazır şəkildə çıxış etmək istərdim. Amma mənə 1 saat əvvəl telefonla məlumat verdilər. Təəssüf ki, biz buradan nifaq atəşinə benzin tökmüş oluruq!”

Mansur Yavaş CHP-dən gedir?

Bundan başqa, Mansur Yavaş HÜDAPAR (Hürr Dava Partiyası) daxil olmaqla, DEM (Xalqların Bərabərlik və Demokratiya Partiyası) partiyalarını tənqid edib: “Bizim milli bayramlarımız qeyd olunur, amma bu bayramları keçirməyən iki partiya var. Düşünürəm ki, onlarla məsafə saxlanılmalıdır”.

Bunun ardınca Şahin yazır: “Bəs Türkiyə siyasətində hansı partiya DEM Partiyası ilə məsafə saxlamır, əksinə, “Şəhər Konsensusu” deyib birlikdə yola çıxır? Yavaşın son 10 ildə 3 dəfə Ankara namizədi olduğu və hələ də siyasətlə məşğul olduğu CHP...

Yəni öz partiyasına ultimatum verir. “DEM varsa, mən yoxam” deyir. Bu bəyanatın isə iki ünvanı var: Özgür Özel və Əkrəm İmamoğlu”.

Fotoda CHP sədri Özgür Özel və İstanbul meri Əkrəm İmamoğlu

Politoloq bildirib ki, Ankara lobbilərində Yavaşın 2028-ci ildə prezidentliyə namizəd olmaqda qərarlı olduğu, ilin sonunda CHP-dən ayrılacağı və seçkiyə qədər müstəqil bələdiyyə sədri olaraq davam edəcəyi iddia edilir. Bu layihə o qədər konkretləşib ki, hətta M.Yavaşın özündən sonra bu postda görmək istədiyi ad da bəllidir: Keçiören Bələdiyyəsinin rəhbəri Mesut Özarslan...

Fotoda Mesut Özarslan

Zafer Şahin onu da əlavə edib ki, hazırda M.Yavaşı CHP-də saxlayacaq yeganə siyasi aktyor partiyanın sabiq lideri Kamal Kılıçdaroğludur: “CHP-nin keçmiş lideri okey oyununda ən çox axtarılan dördüncü oyunçu kimidir.

Kimin masasında əyləşsə, onun oyunu oynanılacaq. Daha doğrusu, önü açılacaq. Məhz buna görə həm İmamoğlu, həm də Yavaşın gözü Kılıçdaroğludadır.

Beləliklə, 2028-ci ildə 3 namizədli prezident seçkilərinə hazır olun”.(Milliyet)




RƏYLƏR


REKLAM

XƏBƏR LENTİ

POPULYAR XƏBƏRLƏR