Rusiyada saxlanılan azərbaycanlı vəkil Elman Paşayev həbs edilib - YENİLƏNİB

Tarix: 18-09-2024, 18:36

Moskva Qarnizonu Hərbi Məhkəməsi külli miqdarda dələduzluqda şübhəli bilinən keçmiş vəkil Elman Paşayev barəsində iki aylıq həbs qətimkan tədbiri seçib.

Bu barədə TASS məlumat yayıb.

“İstintaqın vəsatəti təmin edilməlidir”, - məhkəmə qərardadında deyilir.

Vəkil noyabrın 15-dək istintaq təcridxanasında olacaq.

Qeyd edək ki, E.Paşayev bir gün əvvəl hərbi müstəntiqlər tərəfindən saxlanılıb və 46 milyon rubldan çox məbləğdə dələduzluqda ittiham olunur.

14:23

Xüsusilə külli miqdarda dələduzluqda şübhəli bilinərək bir gün əvvəl saxlanılan sabiq vəkil Elman Paşayev barəsində həbs qətimkan tədbirinin seçilməsi üçün Moskva Qarnizonu Hərbi Məhkəməsinə aparılıb.

“Report” xəbər verir ki, bu barədə TASS məlumat yayıb.

“Məhkəməyə Elman Paşayevin həbs qətimkan tədbirinin seçilməsi barədə istintaq orqanının vəsatəti daxil olub”, - məlumatda bildirilib.

Bu pul müqabilində o, Aleksey Blinovskinin ailəsini vergidən yayınma işi üzrə cinayət məsuliyyətindən azad etməyi vəd edib.

Daha əvvəl bildirilmişdi ki, təqsirli bilinərsə, keçmiş vəkili 10 ilə qədər həbs cəzası gözləyir.

Qeyd edək ki, E.Paşayev bir gün əvvəl hərbi müstəntiqlər tərəfindən saxlanılıb və 46 milyon rubldan çox məbləğdə dələduzluqda ittiham olunur.