Son Xəbər: Paşinyan: Ermənistan sabah TRIPP layihəsinin başlanmasını elan edəcək, İlham Əliyev: Vyetnama 2020-ci ilin Vətən müharibəsi dövründə verdiyi dəstəyə görə minnətdarıq, Bazar günü hava 18 dərəcə isti olacaq, İrandan qaçaqmalçılıq yolu ilə gətirilən güclü təsiredici dərmanlar aptekdə satılıb, saxlanılanlar var, İlham Əliyev: Vyetnamın müstəqillik mübarizəsi Azərbaycan xalqı tərəfindən həmişə dəstəklənib, Seul yaxınlığında yük qatarı relsdən çıxıb, Sumqayıtda yol çöküb, Azərbaycan və NATO logistik imkanlarından birgə istifadə mexanizmlərini müzakirə edib, İlham Əliyev və To Lam Birgə Bəyanat qəbul ediblər, Azərbaycan-Vyetnam sənədləri mübadilə olunub, Taksi sürücüsü olmaq istəyənlər üçün dekabrın 17-də keçiriləcək imtahana qeydiyyat başlayıb,

Rusiya XİN müavini Qoşulmama Hərəkatının dünyada nüfuzlu rolunu qeyd edib

Rusiya XİN müavini Qoşulmama Hərəkatının dünyada nüfuzlu rolunu qeyd edib

Tarix: 24-09-2024, 21:44

Rusiya Federasiyası xarici işlər nazirinin müavini Sergey Verşinin çoxqütblü dünya nizamının qurulmasında Qoşulmama Hərəkatının nüfuzlu rolunu qeyd edib.

Bu barədə Rusiya XİN-in BMT Baş Assambleyasının 79-cu sessiyasının yüksək səviyyəli həftəsi çərçivəsində baş tutan Qoşulmama Hərəkatına üzv ölkələrin nazirlərinin görüşünün yekunlarına dair məlumatında deyilir.

Sergey Verşinin çıxışında beynəlxalq münasibətlərin çoxqütblü sisteminin qurulmasında bu təmsilçi strukturun mühüm rolu sayəsində Hərəkatın qlobal miqyasda nüfuzunun əhəmiyyətli dərəcədə artdığını qeyd edib.

Görüşdə nazir müavini Rusiyanın Fələstin-İsrail münaqişəsinin həllinə dair prinsipial yanaşmalarını açıqlayıb, həmçinin Rusiya tərəfinin Qoşulmama Hərəkatı ilə, o cümlədən BMT-də qarşılıqlı fəaliyyəti daha da gücləndirməyə sadiqliyini təsdiqləyib.

Qeyd edək ki, Rusiya Qoşulmama Hərəkatında müşahidəçi statusuna malikdir. 2019-cu ildən Qoşulmama Hərəkatına üzv ölkələrin yekdil qərarına əsasən Azərbaycan üç il müddətinə bu quruma sədrlik etməyə başlayıb. 2022-ci ildə üzv ölkələrin yekdil qərarı ilə ölkəmizin Qoşulmama Hərəkatına sədrlik müddəti daha bir il uzadılıb.

Prezident İlham Əliyev Bakıda keçirilmiş “Parçalanmış dünyanın bərpası” mövzusunda XI Qlobal Bakı Forumunun açılış mərasimindəki çıxışında bildirib ki, rəsmi Bakı Qoşulmama Hərəkatına sədrlik etdiyi dörd il ərzində təşkilat daxilində çox səmimi ab-hava yaradıb.




RƏYLƏR


REKLAM

XƏBƏR LENTİ

POPULYAR XƏBƏRLƏR