Son Xəbər: KİV: İsrail İordan çayının qərb sahilində öz suverenliyini elan edə bilər, Türk Dünyası Sığorta Birliyinin ilk Assambleyası bu il Şuşada keçiriləcək, Ərdoğan Putin və Zelenskinin hələlik görüşə hazır olmadığını bildirib, Ərdoğan: Zəngəzur dəhlizi məsələsində hər hansı bir problem, fikir ayrılığı yoxdur, Zakir Həsənov Vyetnamda hərbi paradda iştirak edib, Prezidentin Çində qaldığı hotelin heyəti ilə səmimi görüntüləri - Video, Türkiyə XİN-dən Minsk Qrupunun ləğvi ilə bağlı qərara - Münasibət, Məktəbli formaları ilə bağlı - Xəbərdarlıq, Abşeronun bu ərazilərində işıq KƏSİLƏCƏK, DİM-dən xəbərdarlıq: ixtisas seçimi bu gün başa çatır,

Türkiyə və Macarıstan liderləri Qırğızıstana səfər edəcəklər

Tarix: 1-11-2024, 08:35

Macarıstanın Baş naziri Viktor Orban noyabrın 5-də Qırğızıstana səfər edəcək.

Bu barədə Bişkekdə jurnalistlərə Qırğızıstan dövlət başçısı administrasiyasının xarici siyasət şöbəsinin rəhbəri Muratbek Azımbakiyev bildirib.

Onun sözlərinə görə, Viktor Orban səfər çərçivəsində Qırğızıstan prezidenti Sadır Japarov ilə danışıqlar aparacaq və Türk Dövlətləri Təşkilatının Dövlət başçılarının 11-ci Zirvə görüşündə iştirak edəcək.

“Yüksək səviyyəli danışıqlar zamanı Qırğızıstan-Macarıstan arasında strateji tərəfdaşlığın geniş spektri müzakirə ediləcək. Səfərin yekununda ikitərəfli əməkdaşlığın daha da inkişafı və möhkəmləndirilməsinə yönəlmiş bir sıra sənədlərin imzalanması planlaşdırılır”.

Bundan başqa Türkiyə Prezidenti Rəcəb Tayyib Ərdoğan da noyabrın 5-də Qırğızıstana dövlət səfərinə gələcək:

“Səfər çərçivəsində Türkiyə lideri Qırğızıstan Prezidenti Sadır Japarovla danışıqlar aparacaq və Türk Dövlətləri Təşkilatının Dövlət başçılarının 11-ci Zirvə görüşündə iştirak edəcək. Bişkekdə dövlət başçıları arasında məhdud tərkibdə görüşün, eləcə də iki ölkə Prezidentlərinin sədrliyi ilə Strateji Əməkdaşlıq üzrə Ali Şurasının 6-cı iclasının keçirilməsi planlaşdırılır. Tərəflər Qırğızıstan-Türkiyə qarşılıqlı fəaliyyətinin geniş spektrini müzakirə edəcəklər”-deyə, Muratbek Azımbakiyev vurğulayıb.