Son Xəbər: Rezidenturaya qəbul imtahanının II mərhələsində iştirak üçün qeydiyyat başlayıb, Beynəlxalq Münasibətlərin Təhlili və Multikulturalizm Mərkəzinin Nizamnaməsi təsdiqlənib, Sabah Bakıda 36, rayonlarda 39 dərəcə isti olacaq, Azərbaycan və Gürcüstan arasında "E-Permit" sisteminin tətbiqinə başlanılıb, Hikmət Hacıyev: Əminik ki, mediamız milli maraqlarımızın müdafiəsində səylərini əsirgəməyəcək, İran İordaniya və Bəhreyndəki ABŞ aviabazalarına zərbələr endirib, "Neftçi" bu gün UEFA Konfrans Liqasında mübarizəyə başlayır, Rezidenturaya qəbul üzrə namizədlərin qeydiyyatı başlayır, Azərbaycan milli mətbuatının yaranmasından 151 il ötür, Bakı və Berlin strateji tərəfdaşlıq gündəliyi ilə əməkdaşlığı möhkəmləndirir,

“Hizbullah” İsrailin kəşfiyyat bazasına yeni raket zərbəsi endirib

Tarix: 2-11-2024, 13:21

Livanın “Hizbullah” hərəkatı İsrailin Təl-Əviv yaxınlığındakı hərbi kəşfiyyat bazasına yeni raket zərbəsi endirdiyini açıqlayıb.

İdarə olunmayan raketlər İsrail Müdafiə Qüvvələrinin Hərbi Kəşfiyyat İdarəsinin bir hissəsi olan və radioelektron kəşfiyyatla məşğul olan bölmənin “Qlilot” bazasına tərəf atılıb.

Öz növbəsində “The Times of Israel” qəzeti bu gün Livandan İsrailin Yuxarı Qaliley bölgəsi və Hayfa körfəzi ərazisinə azı 25 idarə olunmayan raket atıldığını yazıb.

Daha əvvəl İsrailin mərkəzindəki Tira şəhərinə raket hücumu nəticəsində 11 nəfər yaralanıb.

Qeyd edək ki, sentyabrın sonundan bəri İsrail Livanın cənubunda və Beyrutda “Hizbullah” infrastrukturlarını fəal şəkildə məhv edir. İsrail ordusu həmçinin Livanın cənubundakı sərhəd bölgəsindəki “Hizbullah” hədəflərinə qarşı məhdud quru reydlərinə başladığını da aşıqlayıb. “Hizbullah” isə hər gün İsrail ərazisinə raket zərbələri endirir.(Al Arabia)