Son Xəbər: Ceyhun Bayramov NATO rəsmisi ilə enerji təhlükəsizliyi və regional prosesləri müzakirə edib, İran XİN: Hörmüz boğazından keçid minalara görə məhdudlaşdırıla bilər, İlham Əliyevin Türkiyəyə işgüzar səfəri ilə bağlı paylaşım edilib, İshaq Dar: Şahbaz Şərif Antalyada Ərdoğanla səmərəli danışıqlar aparıb, Başlıbel qətliamından 33 il ötür, Yol polisi əlverişsiz hava şəraitində yollardakı vəziyyətlə bağlı sürücülərə müraciət edib, Kişi voleybolçular arasında Azərbaycan Yüksək Liqasının qalibi müəyyənləşir, Qalibaf Trampı 7 yalan danışmaqda ittiham etdi, Mambetaliyev: Azərbaycan VI Ümumdünya Köçəri Oyunlarında iştirak edəcək, Buraxılış imtahanında üç nəfər maksimum nəticə əldə edib,

Azərbaycanda İqlim Maliyyəsi Fondu yaradılır

Tarix: 12-11-2024, 17:18

“Azərbaycan tərəfinin irəli sürdüyü 14 COP29 təşəbbüsündən biri İqlim Maliyyəsi Fondunun yaradılmasıdır. Fondun yaradılması ilə bağlı proses davam edir”.

Bunu “Qafqazinfo”ya açıqlamasında COP29-un baş danışıqçısı Yalçın Rəfiyev bildirib.

Y.Rəfiyəv bəzi dövlətlər tərəfindən Fondun yaradılmasına maraq olduğunu vurğulayıb:

“Beynəlxalq ictimaiyyət tərəfindən də bu prosesə maraq var. Hazırda prosesin son mərhələyə çatması istiqamətində İşçi Qrup fəaliyyət göstərir. İşçi Qrupa həm Azərbaycanın aidiyyatı dövlət qurumları, həm də beynəlxalq ekspertlər daxildir.

Noyabrın 14-də Fondun yaradılması ilə bağlı tədbir keçiriləcək. Hələ ki ölkələrin yekun qərarları bildirilməyib. Onların arasında inkişaf etməkdə olan, eyni zamanda inkişaf etmiş dövlətlər də var. Fondun fəaliyyətə başlaması üçün ən azı 10 ölkə ilə iş aparırıq. Bu sayın artacağı istisna olunmur”.