Son Xəbər: Bu mərkəzi küçədə hərəkət qismən məhdudlaşdırılacaq, Sahibə Qafarova Türkiyəni təbrik etdi, Şahin Bağırov rəisi işdən çıxardı, Şüvəlanda yeni ictimai çimərliklər yaradıldı, Ermənistanda sərhədyanı yolun yenidənqurulması məqsədilə partlayış həyata keçiriləcək, Kürdəmirdə avtomobil qəzaya uğrayıb, sürücü ölüb, Rusiyanın MDB-də nümayəndəsi: Ermənistan və Azərbaycan Birliyin işində iştirakda maraqlı tərəflərdir, İsrail ordusu Yəməndə yüksək rütbəli husilərin olduğu hərbi obyektə hücumu təsdiqləyib, Ukrayna lideri: Trampın Rusiya üçün müəyyən etdiyi son tarix sentyabrın 1-i başa çatır, İlham Əliyevdən “Qarabağ”la bağlı - Sərəncam,

Harris indi haradadır?

Tarix: 22-11-2024, 10:19

Ağ Ev noyabrın əvvəli ölkədə baş tutan prezident seçkilərində məğlub olan vitse-prezident Kamala Harrisin hazırda harada olmasına aydınlıq gətirib. Belə ki, Harris ən son noyabrın 11-də Veteranlar Günü ilə bağlı tədbirlərdə iştirak etdikdən sonra ictimaiyyət arasında görünməyib.

Ağ Evin mətbuat katibi Karin Jan-Pyer Harrisin hazırda ailəsi ilə birlikdə Havay adalarında istirahətdə olduğunu açıqlayıb:

“Vitse-prezident ailəsi ilə birlikdə vaxt keçirmək üçün işində fasilə verib. Düşünmürəm ki, burada düzgün olmayan nə isə var. Hesab edirəm ki, o, ailəsi ilə və işdən kənar vaxt keçirməyə layiqdir, vitse-prezident son dörd il ərzində çox ağır işləyib”.

Harrisin Havay adalarına noyabrın 19-da yollandığı qeyd olunub.

Xatırladaq ki, 60 yaşlı Kamala Harris noyabrın 5-də keçirilən prezident seçkilərində Respublikaçılar partiyasından prezidentliyə namizəd Donald Trampa məğlub olub. Seçkinin nəticəsinə əsasən, Demokratların nümayəndəsi Harris 226, Tramp isə 312 səs toplayıb. Trampın qələbəsi elan edildikdən sonra vitse-prezident məğlubiyyətini tanıyıb, rəqibini təbrik edib və hakimiyyətin sülh şəraitində təhvilini vəd edib.