Son Xəbər: "Xocəsən" və "Avtovağzal" metrostansiyalarına giriş müvəqqəti pulsuz olacaq, Milli Məclisdə tələbə-gənclər təşkilatları ilə görüş keçirilməsi təklif edilib, Nazir: "Yanaşmamız xammalı daha çox emal etməkdir", Prezident: Azərbaycan beynəlxalq sülh və təhlükəsizliyin təmin olunmasını prioritet hesab edir, Sabah Azərbaycanda 34 dərəcə isti olacaq, Prezidentin sədrliyi ilə dağ-mədən və metallurgiya sənayesinin inkişafına dair Dövlət Proqramına həsr olunmuş müşavirə keçirilib, Formula 1-ə görə Bakıda bəzi məktəblər distant təhsilə keçib, Sentyabrın pensiya ödənişləri yekunlaşıb, FHN yanğın təhlükəsizliyi ilə bağlı kənd yerlərində yaşayan əhaliyə müraciət edib, Bakının bəzi yollarında nəqliyyatın sıxlığı müşahidə olunur,

Azərbaycan deputatları Ermənistana GEDƏCƏK?

Tarix: 2-12-2024, 13:42

Gələn həftə Qara Dəniz İqtisadi Əməkdaşlıq Təşkilatı Parlament Assemblyasiyasının (QDİƏT PA) iclası keçiriləcək.

Modern.az-ın məlumatına görə, iclas Ermənistanda baş tutacaq.

Belə ki, 10-12 dekabr tarixlərində İrəvanda QDİƏT PA-nın 64-cü plenar iclası keçiriləcək.

Qeyd edək ki, Qara Dəniz İqtisadi Əməkdaşlıq Təşkilatının 12 üzvü var. QDİƏT-in Parlament Assambleyası isə üzv ölkələrin milli parlamentlərinin təmsil olunduğu qurumdur. Parlament Assambleyası 1993-cü ildə təşkilatın əhatə etdiyi regionda siyasi stabilliyin möhkəmləndirilməsi məqsədilə yaradılıb. Assambleya 70 üzvdən ibarətdir. Hər ölkədən gələn nümayəndə heyətinin sayı, ölkənin əhalisinin sayına proporsionaldır.

Azərbaycan da QDİƏT-in üzvüdür. Milli Məclisin deputatları QDİƏT PA-nın əvvəlki plenar iclaslarında aktiv iştirak edib. İrəvanda keçiriləcək iclasda Azərbaycanın təmsil olunub-olunmayacağı hələlik məlum deyil.

Qeyd edək ki, QDİƏT PA-da Azərbaycan heyətinin sədri Eldar Quliyev, üzvləri Kamran Bayramov, Eldar İbrahimov, Musa Quliyev, Səbinə Salmanova və Mahir Süleymanlıdır.