Son Xəbər: "Xocəsən" və "Avtovağzal" metrostansiyalarına giriş müvəqqəti pulsuz olacaq, Milli Məclisdə tələbə-gənclər təşkilatları ilə görüş keçirilməsi təklif edilib, Nazir: "Yanaşmamız xammalı daha çox emal etməkdir", Prezident: Azərbaycan beynəlxalq sülh və təhlükəsizliyin təmin olunmasını prioritet hesab edir, Sabah Azərbaycanda 34 dərəcə isti olacaq, Prezidentin sədrliyi ilə dağ-mədən və metallurgiya sənayesinin inkişafına dair Dövlət Proqramına həsr olunmuş müşavirə keçirilib, Formula 1-ə görə Bakıda bəzi məktəblər distant təhsilə keçib, Sentyabrın pensiya ödənişləri yekunlaşıb, FHN yanğın təhlükəsizliyi ilə bağlı kənd yerlərində yaşayan əhaliyə müraciət edib, Bakının bəzi yollarında nəqliyyatın sıxlığı müşahidə olunur,

Nikol Paşinyan Moskvada səfərdədir

Tarix: 13-12-2024, 10:16

Ermənistanın baş naziri Nikol Paşinyan Moskvada səfərdədir.

Məlumatı “Sputnik Armenia” yayıb.

Bildirilib ki, o, Avrasiya İqtisadi İttifaqının (Aİİ) hökumətlərarası Şurasının 41-ci toplantısında iştirak edəcək.

Qeyd edək ki, şuranın ilk iclası 2015-ci il yanvarın 1-də keçirilib. Qurumun 40-cı yığıncağı 2024-cü il oktyabrın 1-də İrəvanda olub. Aİİ-yə Ermənistan sədrlik edir. Ondan sonra bu missiya Belarusa veriləcək.

Məlumata görə, iclasda Aİİ ölkələrinin baş nazirləri inteqrasiyanın daha da dərinləşdirilməsi məsələləri nəzərdən keçiriləcək. Rusiya hökumətinin mətbuat xidmətinin məlumatına görə, energetika, sənaye və elektron ticarətin inkişafı sahələrində əməkdaşlığın genişləndirilməsinə xüsusi diqqət yetiriləcək.

Hökumətlərarası Şura Ermənistan, Belarus, Qazaxıstan, Qırğızıstan və Rusiya Nazirlər Kabinetinin rəhbərlərindən ibarətdir. Orqan Ali Avrasiya İqtisadi Şurasının qərarlarının icrasını və Aİİ haqqında Müqavilənin icrasına nəzarəti təmin edir, Avrasiya İqtisadi Komissiyasına göstərişlər verir, habelə digər səlahiyyətləri həyata keçirir.