Son Xəbər: "Xocəsən" və "Avtovağzal" metrostansiyalarına giriş müvəqqəti pulsuz olacaq, Milli Məclisdə tələbə-gənclər təşkilatları ilə görüş keçirilməsi təklif edilib, Nazir: "Yanaşmamız xammalı daha çox emal etməkdir", Prezident: Azərbaycan beynəlxalq sülh və təhlükəsizliyin təmin olunmasını prioritet hesab edir, Sabah Azərbaycanda 34 dərəcə isti olacaq, Prezidentin sədrliyi ilə dağ-mədən və metallurgiya sənayesinin inkişafına dair Dövlət Proqramına həsr olunmuş müşavirə keçirilib, Formula 1-ə görə Bakıda bəzi məktəblər distant təhsilə keçib, Sentyabrın pensiya ödənişləri yekunlaşıb, FHN yanğın təhlükəsizliyi ilə bağlı kənd yerlərində yaşayan əhaliyə müraciət edib, Bakının bəzi yollarında nəqliyyatın sıxlığı müşahidə olunur,

Putin Slovakiyanın Baş naziri ilə qaz problemi və Ukrayna məsələsini müzakirə edib

Tarix: 23-12-2024, 14:20

Rusiya Prezidenti Vladimir Putin Slovakiyanın Baş naziri Robert Fitso ilə RF qazının Slovakiyaya tədarükü mümkünlüyü də daxil olmaqla qazla bağlı məsələləri ətraflı şəkildə müzakirə edib.

Bunu ölkə Prezidentinin mətbuat katibi Dmitri Peskov deyib.

Onun sözlərinə görə, ötən gün baş tutmuş danışıqlar zamanı Ukrayna ərazisindən tranzitin dayandırılması diqqət mərkəzində olub.

"Siz Ukrayna tərəfinin bəyanatlarını eşitmisiniz və Rusiya qazını almağa davam edən və bunu öz iqtisadiyyatlarının normal işləməsi üçün zəruri hesab edən Avropa ölkələrinin mövqeyini bilirsiniz", - o bildirib.

Mətbuat katibi bu mürəkkəb vəziyyətin xüsusi diqqət tələb etdiyini qeyd edib.

Onun sözlərinə görə, iki ölkənin liderləri həmçinin Slovakiyanın əvvəlki hakimiyyətinin hərəkətləri nəticəsində ciddi zərər çəkmiş ikitərəfli münasibətlər barədə danışmağa və Ukrayna məsələləri ilə bağlı fikir mübadiləsi aparmağa nail olublar.(Report)